#تحت قيده
البارت 23
اختلطت مشاعر ابطالنة مابين التوتر والغضب
وخوف وصدمة
الجو جان مشحون اتحولت الحفلة والفرح لحزن وبجي
وصدمة للعائلتين بشوفة منار گدام عينهم اكو بيهم
المصدوم واكو بيهم الي مافاهم شي صدمة سليم
وسارة وامجد بشوفة بنتهم المخطوفة الي صارلهة
اشهر بعيدة عنهم بحضن ايهم واستغراب زينة وسمية
ورسل بالبنية الي طلعت فجأة من العدم وحاضنة
ابنهم اما ابطالنة فجانو بعالم ثاني ايهم الي دموعة
بعينة ويعرف هنا راح تكون نهاية قصتهم وخاصة من
شافوهة اهلهة وبطلتنة الي جانت بعالم ثاني ماتدري
باللي جاي يصير من كثر خوفهة ع حبيبهة لايصيرلة
شي نست تنتبه ع الموجودين همة اهلهة جانت مغمضة
عيونهة وهية بحضنة لحد ما فزت ع صوت صراخ
بأسمهة
سليم بصرررراخ: ااااااا منارررررررررر ااااااا
وهنا منار جسمهة كلة گام يرجف مثل السعفة بخوف وهية
تعرف ومتاكدة من هذا الصوت المألوف كلش بالنسبة
الهة بس جانت مامستوعبة وتحاول اتفسر بعقلهة
مستحيييل لالا اشجابة هنا اشجاب اخوهة سليم ابيت
ايهم اندارات ع كيفهة جنهة تريد تتاكد من الصوت
اتححاول تستوعب بلكي الي سمعتة مجرد خيال من
عقلهة بس الواقع غير شي من التفتت وفجأة فتحت
عيونهة بصدمة وهية تشوف عائلتهة کبال عينهة
واخوهة الضابط ا موجه اسلاحة بوجه ايهم انعگد
لسانهة بصدمة وخوف اي جانت صدمة عمرهة وهية
تشوف اخوهة الي صارلهة سنين ماشايفتة اموجه
سلاحة ع حبيبهة
منار بصدمة: س سسليم؟
جرني سليم بقوة من يم ايهم وخلاني وراه وهو بعدة
اموجه سلاحة بوجه ايهم الي يباوعلة ابرود وقوة
ولاجن اسلاح سليم اموجه ع راسة رمشة مارمش الة
مت باوعلي بوجع وواني بادلتة النظرات بدموع هنا
عرفت جان لازم اسمع كلام ايهم ومااطلع بس شنو
فايدة الندم
جانو اهل ايهم مصدومين ومامستوعبين الا من عاط سليم
