البارت 10
#تحت قيده
اول مافتح باب الحمام انصدم من شاف منار واگعة
بالگاع وفاقدة الوعي خلة ايدة ع عينة وهو خجلان
لان لا اراديا منه شافهة وهية بدون ملابس جر المنشفة
ع السريع وغطة جسمهة مع مراعاة عدم النظر الى
تفاصيل جسمهة غطاهة وشالهة وداهة للغرفة وخلاهة
تتمدد ع الجرباية كل هذا وهية بعدهة فاقدة الوعي
وماحاسة بشي
ايهم للحظة اغراه الشيطان وباوع عليهة بنظرات
شهوانية بس بعدين سيطر ع نفسة وتعوذ من الشيطان
حتة مايرتكب خطيئة وياهة بالاخص هو شخص ملتزم
من ناحية الدين ويخاف الله ومايتقرب لهاي الامور
بس جان منظرهة حيل حلو وهية نايمة بالمنشفة
وشعرهة المبلل ينكط مي ع رکبتهة ماتحمل بدون
مايباوع ع كتلة الجمال الي نايمة استغفر ربة ع الشي،
الي كاعد يسويه دون ارادتة
ايهم: استغفر الله امنين طلعتلي هاي ايهم ولك شسويت
بنفسك انت وينك وين خطف البنات اتأفف وهو يباوع عليهة ومحتار شيسوي
هسة هاي السالفة شيحلهة اذا عفتهة هيج خاف تتمرض
واذا بدلتلهة شراح ايخلصني منهة من تگعد راح جاب
قميص وبجامة من مالاتة اتقرب منهة ع كيفة وهو
متردد شلون راح ايبدل هدومهة گعد بصفهة ع الجرباية
وضل يتإمل ملامحهة رغم تعب والبهذلة الي هية بيهة
بس بقت محافظة ع جمالهة بياضهة وملامحهة الناعمة
وعيونهة السود وحواجبهة لثخان ورموشهة لطوال
ورغم قصر شعرهة بس جان لايك ع ملامح وجهة رفع
ايدة وضل يتلامس وجهة وهو يحاول يحفظ ملامحهة
بداخل عقلة بس فجأة وعى ع نفسة من شاف روحة
بدة يتمادى بلمساتة الهة
ايهم: لك انت شتسوي مايصير ايهم لا عيب سيطر ع
نفسك لاتضعف يمهة لاتخلي وحدة مثل هاي تخليك
تضعف هاي مجرد فتنة عيب مو اخلاقك هاي
باوعت بالگاع لكيت وصلة سودة الي جنت مغطي بيه
عيونهة اول ماخطفتهة شلتهة من الكاع وشديتهة ع عيوني
نزعتلهة المنشفة ولبستهة قميصي والبجامة شلون ماجان
