نصائح دينية

إِنَّا لِلَّهِ وَإِنَّا إِلَيْهِ رَاجِعون

انصدمت من اللي قريته ؟ دخل فـ مخك الشي اللي جفته ؟ ولا للحين مو مستوعب ؟ عادي وين الغريب في هالشي ؟ إنك مَيِّتٌ وَإِنَّهُم مَيّتونَ ، فـ يوم انت بموت .. و في يوم بتموت .. و في يوم اهلي واهلك بيموتون ، و لما يجون احفاد اححفادي ... محد بيتذكرنيي ، سؤال ؟ في احد يتذكّر جد جدّك ؟ محد يتذكره و محد يعرفه يمكن بععد ، ذي مصيري و مصيرك فـ يوم من الأيام ، تضمن انك تعيش بعد 5 ثواني ؟ لا طبعاً ، انه عن نفسسي .. ما اعرف اذا بموت و انا اكتب هالشي ، او اذا بموت و انا اصمم ذي الصور ، او اذا بموت بعد ما انزل الموضوع مباشره ، او اذا بموت على طاعه ، او على معصيه ، ما اعرف ولا انت تعرف ، وَما تَدري نَفْسٌ ماذا تَكسِبُ غَدًا وَما تَدري نَفس بأَيِّ أَرض تَمُوتُ إِنَّ اللَّهَ عَلِيمٌ خَبير

كلنا في يوم من الايام ذا هو مصيرنا ، جاهز لهالشي ؟ مستعد لها للحظه ؟ جم مره جفت في ستوريات الناس ( بلغو على الحساب .. صاحبه متوفي ) و شنو داخل الحساب ؟ موسيقى ، افتار بنت و کاشفه عورتها ، ستوريات اغاني و معازف . بوستات رقص و تفصخ و معاصي .

خاطرك تكون مكان هالشخص ؟ خاطرك ف يوم يحطون حسابك ف ستورياتهم ويقولون ( بلغو على الحساب صاحبه متوفي ) ؟ بينما انت مستانس بالدعم اللي يجي لك ، ما فكرت انك ممكن تموت في هاللحظه ؟ وقت تصميمك لمقطع رقص و اغاني .. ما فكرت ان ربك يجوفك و ممكن يقبض روحك ؟ مافكرت شنو بيكون مصيرك بعدها ؟ ما فكرت لو الله سألك شنو بتجاوبه ؟ ما علمناك و نبهناك ان هالشي حرام ؟ ما تعرف ان اللي تسويه ) مجاهره بالمصيه ) ؟ ما تعرف ان كل امة محمد معافاة ( الا المجاهرين ) ؟ ما تعرف ان ممکن ربي ما يتجاوز عنك بسبب انك تجاهر بالمعصيه ؟ ما تعرف انك ممكن ربي ما يعافيك ؟ ما تعرف ان كل الأمة معافاة ( لا يؤاخذون ولا يُعاقبون عقاب شديد ( ما عدا اللي يجاهر بالمعصيه ؟ اييه اكلمك انت ياللي تقرا كلامي و تجاهر بالمعصيه .. كلامي موجه لك انت ، ما تعرف انك تُؤاخذ ع كل شي و تُعاقب عقاب شديد .. عكس كل الأمة ؟ و السبب شنو ؟ مجاهرتك بالمعصيه ، ماتعرف ان الـ ۱۰ آلاف متابع كلهم يشهدون عليك ؟ ما تعرف ان اصبعك بيشهد عليك ؟ ما تعرف ان اذنك تشهد عليك ؟ ما تعرف ان عيونك بتشهد عليك ؟ ما تعرف بـ هذي الاششياء كلها ؟

بعد كل كلامي اللي قريبته .. ماتبي توقف عن اللي تسويه و تنشره ؟ خاطرك في يوم تكون بهالموقف ؟ اذا خاطرك بهالشي ، و خاطرك تجري لك ذنوب و انت في قبرك ، و خاطرك ان الله ما يعافيك ، وخاطرك ان تُؤاخذ وتُعاقب عقاب شدید ( عكس باقي الأمّة ) ، فـ استمر بـ نشرك لـ هذي الاشياء ، و ابشر بكل اللي فـ خاطرك . لكن لو ما تبي تمر في كل هذي الأمور .. تُب الى الله و اترك هذي الاشياء كلها ، وقتها بيحبك الله ، و بيغفر ذنبك و يحول سيئاتك لحسنات ، و التائب من الذنب كـ من لا ذنب له