نصائح دينية

"لن اتأثر"

🔖الخوف من الفتنة .
قال العلامة صالح الفوزان :
لا أحد يزكي نفسه ، ولا أحد لا يخاف من الفتنة ، مادام على قيد الحياة ، الإنسان معرض للفتنة ، ضل علماء أحبار ، وزلّت أقدامهم ، وختم لهم بالسوء ، وهم علماء فالخطر شديد ، ولا يأمن الإنسان على نفسه أن تنزلق قدمه في الضلال .

مثال على ذلك
" حتى انا تغيرت ولله الحمد بعد ماشلت اضافات مالها داعي وضفت حسابات دينيه والحمد لله تغيرت فيني اشياء كثيره "

عشان كذا اذا بتتركون مسلسل او انمي او اغاني لازم لازم تلغون متابعة اي شي يروج لهم او اذا اصحابكم انصحوهم اذا ماستجابوا تتركون مخالطتهم عشان مايأثرون عليكم
اهم شي تنصحونهم أكثر من مره ماتتركون نصيحتهم على طول

واتوقع قريتوا قصص اللي كانوا يتابعون انمي، الغوا متابعة الحسابات اللي تروج له وضافوا حسابات دينيه لذلك هالنقطه اشوفها جدا مهمه

مهما كنت تعتقد ان ايمانك قوي اياك ان تقول ما بتأثر ابتعدوا تماااما عن اي شيء فيه افكار ضالة او شركيات حتى لو كانت من نسج الخيال

في الوقت الحالي افلام الكرتون والمسلسلات اللي تتكلم او تحتوي على أمور أخروية وسحر وعلم الغيب صارت اكثر بكثييير من قبل! والمفروض احنا نبتعد عنها تماااما كبارنا وصغارنا، لأن هذه الاشياء اللي نشوفها هي مدخلات تدخل لعقل الانسان وتخزن في عقله الباطني.. لذلك نشوف موقع الافلام نتفل صاروا يدخلون الاشياء والامور المقززة المحرمة بكثرة ! عشان نتعود عليها ونتقبلها وهذا فعلا اللي جالس يصير اليوم مع كثرة المدخلات السيئة صار البعض يتقبل الحرام وكأنه جزء من الحياة!

ونقطة ثانية ابغا اتكلم عنها بما اني ذكرت افلام الكرتون.. انتبهوا على نفسكم على اخوانكم الصغار واطفالكم وعلى اللي يشوفوه، قبل سنة تقريبا شفت فیلم من ديزني (بدون ذكر اسمه عشان محد يبحث عنه تحمست اشوف قصته بما اني لقيت الكثير يمدحونه وحرفيا ليتني ماشفت حتى اول دقيقه.. الفيلم مليء بالاشياء التي تدخل في علم الغيب ولا يعلمها الا الله الحياة الآخرة، الارواح وكيف تتكون شخصيتها (طبعا كله خرابيط مافي ولا شي منه صحيح).. والطامة الكبرى انهم يصورون ملك الموت على انه محاسب يحسب عدد الارواح اللي ماتت والي باقي ما مات يصورون ان هذا المحاسب ضيع روح المفروض انها تكون في الآخرة وانه اخذ روح احد بالغلط! حاشا لله ان يخطئ) وكله تحت مسمى (خيال)، ولو حذرت الناس منه يقولون لك (ترا هذا كله خيال اذا ايمانك مو قوي لا تتابعه)؟! مدري يحسبون نفسهم برا الموضوع ومطمئنين ان ايمانهم كامل يكفي ان رسول الله ﷺ كان يكثر من قول يا مقلب القلوبِ ثَبِّتْ قلبي على دينك)

واللي صدمني فعلا ان الكثيرين ما اهتموا للشركيات الي موجودة وعززوا له يقولون طالما الفيلم نظيف خلاص مافي مشكلة نتفرج ونستمتع! يعني بعضهم كيف يقيم الفيلم؟ اذا فيه اشياء قذرة لا استغفر الله مايصير اذا فيه شركيات لا عادي هذا من نسج الخيال كلام خالي من المنطق تماما! ولا اللي يقولك صحيح هذا فيه شرك ومدري ايش بس لو ركزت على فكرة الفيلم والمواضيع اللي تجمعها وكمية تعليقات حرفيا لاحول ولاقوة الا بالله.. وهذا مو اول فيلم ولا آخر فيلم من هذا النوع من افلام الكرتون المليء بالشركيات، لو اني أعدد الافلام اللي مثله ما خلصت والمصيبة الكبرى ان هذه الافلام مين يتفرج عليها اكثر؟
يبغا تهدم عقيدة؟ دمر الاطفال والشباب أولا هذا هو النهج اللي ماشيين عليه لذلك يستهدفوا فئة الشباب والاطفال أولا لانهم الجيل القادم..جيل المستقبل
ويجي واحد يقول بكل ثقة "محد مهتم لنا ولا لديننا مافي شي اسمه يبغون يدمروا عقيدتنا بطلوا غباء وتطوروا!"

من اسباب الانتكاسه
" الثقة بالثبات بعدين ما فيه مؤمن يرضا يشاهد شيء فيه شركيات حتى لو كان يعلم انها من نسج الخيال طالما الشيء يمس توحيدك ف لماذا تعامله على أنه " عادي خيال وأنا 11 لا أصدق المؤمن التقي يتجنب مثل هذه الأشياء خوفًا على عقيدته وتوحيده ، حتى لو علم أنها خيالا إيمانه وحيائه من الله يجعله يستحي من مشاهدة مثل هذه الأفلام ، ولا تنسوا أنه من يترك شيء الله يعوضه الله خيرًا منه ، فما بالك إذا أبتعدت عن مثل هذه الأشياء خشيةً من الله وَمَن يَتَّقِ اللَّهَ يَجْعَل لَّهُ مَخْرَجًا (۲) وَيَرْزُقْهُ مِنْ حَيْثُ لَا يَحْتَسِبُّ .. (۳)

نصيحة إياك أن تفرط فيها :
لا تتابع حسابا ترى فيه تساهل محرم من ( موسيقى ، صور نساء ، وإلخ ) تأكد أن هذه المنكرات إذ لم تنكرها أنت ولو بإزالة المتابعة وإلا فستهون في عينك شئت أم أبيت؛ كثرة الاختلاط والمطالعة تسقط في نفسك هيبة المنكر جلوسك في مواطن الفتن، ورؤيتك للمحرمات، وسماعك للمذكرات يجعل قلبك يتشرب المعاصي، ويتقبل الذنوب، ويفقدك أعظم نعمة تعرفها الا وهي حرارة الإيمان- التي تحيي قلبك بمعرفة الحلال من الحرام، فتفقد التوجس من المحرمات، وتصبح الأمور لديك عادية، بعدما كانت من الثوابت وتسقط في الفتنة

إذا أردت قطع المحرمات ، فاقطعها من رأسها ، لا تسمح لنفسك بالنظرات ولا بالتجاوز مع الخطرات القلبية ، فكل نظرة تتبعها فكرة وبعد الفكرة العمل والخطيئة التي تجرحك ...

فاقطع مباشرة وتجاوز الصورة وكل ما يؤذي قلبك ، واعلم أن الذنوب تجر بعضها البعض وعلاجها هو قطعها من رأسها دون التفكير بها ..

إن أصعب الحرام أوّله ثم يكون سهلاً ثم يُستساغ ثم يُؤلفُ ثم يحلو ثم يطبع على القلب ثم يبحث الشيطان لك عن حرامٍ آخر حتى يُسقطك في قاع لا نهاية له !
فكن فطناً لخطوات عدوّكَ جيداً واقطع الحبل عليه من البداية فإن ذلك أسهل عليك !