" သခင်လေး .. သခင်လေး "
အိပ်ဆောင်တံခါးကို ကပြာကယာဖွင့်ပြီး ၀င်လာတဲ့ မင်းချစ်လွန်းပုံကြောင့် ညိုမြလွင်ဟာ အိပ်နေရာမှပင် ကတမ်းကတမ်း ထ,လိုက်ရသည်။
မနေ့ကတစ်နေကုန်လုံး ပျောက်ခြင်းမလှပျောက်နေသည့် ဒီလူက အခုမှ ဝရုန်းသုန်းကားအခြေအနေဖြင့် သူ့ရှေ့၌ ပေါ်လာသည်။
အမှန်တိုင်းပြောရရင် မင်းချစ်လွန်းပုံဆိုသည့်လူက သူဒီခန္ဓာကိုယ်ကို ရရချင်စ ပထမဆုံးတွေ့ဆုံခဲ့ရသူမို့ တခြားလူတွေနဲ့မတူ သူ့စိတ်ထဲတွင်တော့ ဘာကြောင့်ရယ်မသိ သူ၏ဘက်တော်သားလို့ ခံစားနေရသည်။
" ဘာတွေ အရေးတကြီးဖြစ်လာတာလဲ "
" ဟို .. ကျုပ် .. ကျုပ်ပြစရာရှိလို့
သခင်လေး ကျုပ်နဲ့လိုက်ခဲ့ပါလား
ကန်စပ်စီကို "
မင်းချစ်လွန်းပုံ၏ အစီအငေါ်မတည့်သောစကားတွေကြောင့် ညိုမြလွင်က ချက်ချင်းပင်မျက်မှောင်ကြုံ့လိုက်မိသည်။
ဒီလူက ဒီခန္ဓာကိုယ်ပိုင်ရှင် ကျေးညိုဆိုတဲ့ကောင်လေးကို တစ်ဖက်သတ်ကြိတ်ချစ်နေခဲ့တယ်လို့ သူသိခဲ့ရသည်။
ဘယ်လိုပဲ ချစ်စိတ်တွေမွှန်နေပါစေဦးတော့!
ဒီကျေးညိုဆိုတဲ့ကောင်လေးက သူ့အလုပ်ရှင်ဦးနေအခရာရဲ့ တရား၀င် အိမ်ထောင်ဘက်ပဲမဟုတ်လား ။
ဟိုပြ ဒီပြလုပ်ချင်တဲ့အပြုအမူတွေဟာ ဘယ်လောက်တောင် အရိုအသေကင်းမဲ့လိုက်လေလဲ။
" ကျုပ် ဝေ့ဝိုက် လှည့်ပတ် မပြောနေတော့ဘူး သခင်လေးရာ !
ကျုပ် သခင်လေးကို ဒီအိပ်ဆောင်ကနေ ပ,ထုတ်နေတာ ၊ ကျုပ်နဲ့လိုက်ခဲ့နော် "
" ဟမ် .. "
မင်းချစ်လွန်းပုံရဲ့ စကားကြောင့် သူလည်း မျက်မှောင်ကြုံ့နေရာမှပင် ကြောင်အမ်းအမ်ဖြစ်သွားရသည်။
မင်းချစ်လွန်းပုံလည်း သူ၏ရှေ့မှ မထုံတက်သေးမျက်နှာပေးဖြင့် အူတူတူ နုံတုံတုံရုပ်ကလေးနှင့် သခင်လေးဖြစ်သူကို ကြည့်ရင်း သက်ပြင်းအရှည်ကြီးချကာ သတင်းဆိုးကို အလျင်အမြန်ဖွင့်ချရန် လုပ်ရတော့သည်။
YOU ARE READING
အရေးအပိုင်မင်းအား အပိုင်ကြံခြင်း
General Fictionအရေးပိုင်မင်းကြီးနဲ့ တိတ်တိတ်ပုန်းလက်ထပ်ထားရတဲ့ အညတရကောင်လေးတစ်ယောက်အဖြစ် သူဟာ ၁၉ရာစုနှစ်တွေဆီ ၀ိညာဥ်ကူးပြောင်းလာခဲ့ရတယ် ... မူလခန္ဓာကိုယ်ပိုင်ရှင်ရဲ့ဆန္ဒကိုဖြည့်ဆည်းပေးဖို့ ကြောင့်သာ အရေးပိုင်မင်းကြီးကို စွဲဆောင်နေရတယ်လို့ သူခံယူထားပေမဲ့ တစ်ဖြည်းဖ...
