في ليله من ليالي الشتا في دار لتريبه الايتام ، كان الجو بيمطر جامد سمعو صوت خبط جامد علي الباب ، طلعت واحده من الي بتشتغل في الدار لقت سبت فيه طفلين جُمال اوي، قربت وشالتهم، ودخلت بيهم اوضه مديره الدار، مديره بصت للسبت الي في ايديها وسألتها:
_اي ده يا حسناء ؟!..
حسناء وهي بتبص للطفلين وهي مبتسمه :
_دول لقيتهم قدام الباب، حد حطهم ومشي، ملحقتش اشوفو .
المديره بقله حيله :
_يعني احنا كان ناقصنا ، يعني مالقوش غير الدار بتعنا، دي التبرعات بتكفينا بالعافيه، يالا امري لله .
دخلت في الوقت ده موظفه تانيه في الدار وبصت علي الطفلين ، وانبهرت من جمالهم .
_مشاء الله، مين دول ؟!
المديره بجديه :
_دول اولاد جداد انضمو للدار يا هدى .
هدي بحماس شديد ، عشان الطفلين شدوها اوي :
_انا هاخد بالي منهم يا سياده المديره ونبي .
حسناء وهي بتبعدهم بالسبت عن هدي :
_انا الي لقتهم، يبقا انا الي هاخد بالي منهم .
المديره بزعيق :
_بس انتي و هي، دول مش لعبه، انتو الاتنين هاتخدو بالكم منهم، دول اتنين ولسه اطفال يعني مسأوليه،يالا خدوهم علي الاوضه الي فيها اطفال قريبه من سنهم .
_هنسميهم ايه يا مدام ؟!
_هما ولدين مش كده ؟!
_ اه ولدين .
المديره بتفكير في اسماء ليهم :
_ عمر، وعلي هيتكتبو بأسم اسامه السيد.
خرجو الاتنين من المكتب، وراحو اوضه كل الي فيها اطفال سنهم ميعديش اربع سنين،
حطو الاتنين علي سرير واحد وغيرو هدومهم قرب منهم طفل عندو تلت سنين وهو بيبص عليهم ومبسوط:
_دي نونو !!!
ضحكت هدي علي الطفل :
_ايوا يا سي ماجد نونو زيك كده .
ماجد اتقمص وبقا شكلو حلو بخدودو الحمرا :
_انا مش نونو انا تبير .
حسناء :
_خلاص ماتزعلش انتا كبير وهما صغيرين، يالا روح علي سريرك نام بقا .
ماجد طلع جنب الطفلين وقعد:
_ماجد ينام هنا مع النونو .
هدي قامت وقفت :
_انا عارفه مش هناخد معاك حق ولا باطل ابدا، نام معاهم يا سيدي .
_________________
اتمني القصه تعجبكم و ياريت تدعموني ،القصه هتعجبكم اوي .
هي مش طويله و عدد فصولها قليل بس تحفه.
أنت تقرأ
الثلاثي المشاغب( مكتمله )
Short Storyقصه قصيره ، بالعاميه المصريه، كوميديه جدا ، و رمانسيه و مغامره.
