الثلاثي المشاغب( مكتمله )

الفصل التاسع

باليل راحو المخزن لقو عربيه وفيها شنطه سوده صغيره ركبو التلاته العربيه وبدءو ينفذو الكلام الي اتقالهم بالحرف، و فعلا نفذوها بالظبط من غير ولا غلطه و رجعو بالشنطه التانيه وسلموها ليهم واستلمو الفلوس :

_برافو يا شباب اثبتولي وجهة نظري فيكو، معاكو اسبوع راحه ونتقابل هنا بعد اسبوع عشان نكمل شغل .

خدو الفلوس و قررو يرجعو الدار بس علي قالهم انو هيستنا في الاوضه، رجع ماجد مع عمر الدار، عمر اول حاجه عملها راح لسمر لانها وحشتو اوي، راح ناحيه مطبخ الدار شافها وهي واقفه بتساعدهم في الاكل، سمر اول ماشافتو راحت عليه بسرعه وحضنتو بس بعدت بسرعه وهي مكسوفه من الي عملتو، عمر مسكها من ايدها وطلعو بره ووقف قصدها :

_وحشتيني يا سمر اوي .

_وانتا كمان وحشتني اوي، اوعا تمشي تاني .

_للأسف لازم ارجع تاني بعد اسبوع عشان الشغل، لان المبلغ الي معانا مينفعش لأي حاجه .

سمر اتكلمت وهي حزينه :

_انا حاسه اني مخنوقه اوي وانتا مش موجود يا عمر حاسه اني هموت .

عمر اتخض وحط ايدو بسرعه علي بوقها:

_ماتقوليش كده بعد الشر عليكي يا قلبي، هانت يا سمر و اول ما هرجع هتجوزك .

سمر اتكسفت :

_بحبك يا عمر .

سابتو طلعت تجري علي جوه تاني، بص عليها وهي بتجري :

_وانا بموت فيكي يا قلب عمر .
_________________________________
علي كان قاعد بيفكر في طريقه يقدر يشوفها بيها لحد ما وصل لفكره، نزل تحت قدام الشقه وخبط وحظو الحلو ان هي الي فتحت، بصتلو وهي مصدومه  :

_انتا..!! انتا بتعمل اي هنا ؟ !

علي بصلها وضحك من شكلها كان شعرها منحكش ولبسها مبهدل ولابسه مريله الطبخ:

_اي العسل ده

_انتا عاوز اي الله يفضحك ماما

هتيجي تدبحني، يالا امشي .

سمعت صوتها جاي من جوه :

_مين بيخبط يا نورا ؟!

اتوترت اوي :

_ده.. ده بتاع الزباله يا ماما .

_طيب اديلو الشنطه الي عندك وتعالي عشان الاكل هيتحرق.

مسكت نورا شنطه الزباله ورمتهالو في وشو وقفلت الباب بسرعه، فضل حاضن الشنطه شويه وهو مش مستوعب :

_زباله بقيت بتاع زباله على اخر الزمن بسبب حتت عيله مش باينه من الارض.

رمى الشنطه قدام الشقه وحط عليها حاجه، و رن الجرس جامد وطلع يجري على فوق بسرعه، فتحت الباب المره دي وهي ناوي تهزقو مالقتش حد ولقت شنطه الزباله  قدام قدام الشقه و عليها ورقه مكتوب عليها:

_ "انا بتاع زباله يا خُنفسه ".

قعدت تضحك لما قرأت الورقه ودخلت وهي بتكلم نفسها:

_والله مجنون وعاوز يجنني .

يتبع.....