الثلاثي المشاغب( مكتمله )

الفصل الثالث

سابتهم ومشيت، وهما مشيو ورا بعض علي المكتب، خبطو و دخلو، قابلتهم ريحه البيض قالبه المكتب، لقوها واقفه جنب المكتب وسانده علي عكاذها :

_قلولي اعمل فيكو اي، كل واحد يكبر بيسيب الملجأ انتو صممتو تفضلو وتشتغلو في الملجأ، قولنا كتر خيركو، انما تشتغلوني انا ليه هو انا قتلتلكم قتيل عشان الي بتعملو ده، احكمو انتو علي نفسكم اعمل فيكو اي .

رد علي عليها ببساطه:

_انا لو مكانك اسمحنا، وعفا الله عما سلف.

ضحكت بشر و بعدها الضحكه اتحولت لصريخ عالي جدا:

_اسامحكو على اي يالظبط علي الجنينه الي ولعتو فيها و لا على هدى الي مكسوره و راقده بقالها اسبوعين ولا على قلبت الملجأ  و المكتب.

ماجد بيبرر الي هما عملوه :

_الجنينه احنا ما ولعناش فيها  احنا كنا بنولع الصاروخ عشان نخض عمي ادهم الولعه مسكت في الشجره، والسلم لما بوظناه مكنش قصدنا هدى انا وعمر كنا عاملين مقلب في علي، بس هي جت قبلو وطلعت علي السلم  والي حصل حصل .

علي وهو بيبصلهم بشر شديد :

_ يا وطين يا اندال يا رمامه، كنتو عاوزين تكسروني .

عمر وهو بيرفع ايدو لفوق :

_انا ماليش دعوه، ماجد هو الي اقترح الفكره مش انا و انا بصراحه وافقت عشان كنت زهقان  .

جاد وهو بيبص لعمر بنظرات خوفتو  :

_يا واطي ده انا هكسحك، هخليك شبه الصورصار الي مضروب بالشبشب .

نسيو المديره و مسكو في بعض ضرب و تهزيق،مره واحده زعقت فيهم:

_بس انتو التلاته نص ساعه ارجع الاقي المكتب بيلمع و مالقيش الريحه المقرفه دي، وتخلصو وتيجو على اوضه الاجتماعات.

سابتهم وطلعت وهما بصو لبعض وهما مستغربين اكيد في مشكله عشان تعمل اجتماع عشان نادر جدا لو عملت اجتماع، شويه وكانو خلصو تنضيف و رجعو كل حاجه زي ما كانت و......