الثلاثي المشاغب( مكتمله )

الفصل الرابع

و راحو لأوضة الاجتماعات،لقو كل الي شاغلين في الدار موجودين حتي هدي الي مكسوره و ده قلقهم اكتر صمت انتشر في المكان، قطعو دخول المديره و وقفت قصادهم و هي بتتكلم بجديه:

_عاوزاكو الشهور الجايه تشوفو و ترتبو حياتكو بره الدار، و اي حد يطلب يتبني طفل هنقبل حتي لو العيله مش مناسبه للطفل .

الكل اتصدم من كلامها و استغربو اتكلم ماجد وهو متعصب :

_ليه يعني هنرميهم، انا مش موافق على الكلام ده.

ردت عليه بعصبيه اكبر :

_مش بمذاجك ولا حتي بمذاجي ولا بمذاج حد فينا ده غصب عننا الدار بقالها زياده عن خمسه وعشرين سنه و هو ما اتجددتش و عليه ضرايب كتير و معظم الي موجود فيه مخالف لانه مابيوفرش الرعايه الكامله للأولاد الي فيه وده بسبب التبرعات الي بتجيلنا قليله جدا و خلال ست شهور لو الدار مبقاش مطابق للمواصفات ودفعنا الضرايب الي متأخره هيتقفل .

الكل قعد مصعوق من الخبر ده، و خصوصا الثلاثي لانهم بيحبو المكان و رافضين يسبوه، زي باقي الاولاد الي سابوه، الصدمه خلتهم كلهم يسكتو وميتكلموش خالص، قطع صمتهم ماجد وهو بيتكلم بجديه :

_انا مش هسمحلهم يقفلوه، انا هطلع اشتغل الست شهور وهوفر للملجأ كل شي يحتاجه .

قام عمر وعلي بعده :

_واحنا كمان، هنساعده ونجمع اكبر كميه من الفلوس عشان نوضب المكان ده بيتنا، وهندفع كل الضرايب  .

الكل اتأثر بكلامهم اوي، وكان نفسهم يساعدوهم، بس للأسف كلهم سنهم كبير و مش هيقدرو يشتغلو في اي حاجه، عدا اليوم في الدار هادي جدا بسبب هدوء الثلاثي، في الجنينه عمر كان قاعد مهموم من الي ممكن يحصل لو مقدروش يجمعو فلوس الفتره دي،قربت منه البنت الي ندهتلهم الصبح و حطت ايدها على كتف عمر، بص وراه لقاها ورجع بص قدامو تاني :

_انتا لسه زعلان مني يا عمر، انا اسفه والله انا مكنتش اقصد .

رد عليها عمر بهدوء :

_خلاص يا سمر انا مش زعلان.

_اي حصل في الاجتماع، خلاكو كلكو مش على بعضكو، حصل اي يا عمر؟!.

_محصلش حاجه يا سمر، بس لازم نسيب الدار انا وماجد وعلي لمده ست  شهور ضروري .

اتصدمت، وعيطت اول ما عرفت انو هيبعد:

_هتسيب الدار يا عمر، هتسبني يا عمر، وانا يا عمر .. !! .

عمر مسح دموعها بحنان :

-ماتعيطيش انتي هتفضلي في قلبي على طول، وهما كام شهر وهنرجع على طول عشان افضل جنبك على طول، لازم ابعد عشان منبعدش عن بعض بعد كده ابدا.

_ اوعدني يا عمر انك هترجع تاني عشاني .

ابتسم عمر ليها بحنان :

_اوعدك اني هرجعلك، ومش هبعد تاني ابدا .

ويتبع.....