الثلاثي المشاغب( مكتمله )

الفصل الخامس

بيعدي اليوم، تاني يووم الي في الدار و دعوهم والمديره عطتهم مبلغ مش كبير عشان يبدءو بيه لانهم ملهمش مكان بره الدار، وفعلا بيطلعو للعالم الخارجي، و بينبهرو بالي بيقبلوه بره راحو اجرو اوضه فوق السطوح ، في مكان عشوائي  عشان هما معهمش مبلغ كبير ، فضلو اسبوع يدورو على شغل من غير  نتيجه مابيلقوش شغل، كان معاهم لبس قليل جدا و بسيط واقل من البسيط، بيتجمعو اخر اليوم في الاوضه بعد مابقو يدورو على شغل طول اليوم:

_انا مبقتش قادر يا ماجد الاسبوع خلاني شبه البطاطس المهروسه، ولسه مالقتش شغل امال لما الاقي هيحصلي ايه .

ماجد وهو بيخلع الجزمه:

-اجمد يا علي امال بلاش دلع، احنا لازم نساعد الدار زي ما كان ملجأ لينا لما مكنش لينا حد .

_ما هو معاه حق يا ماجد، باقلنا اسبوع بنلف على شغل مش لقيين حاجه نعمل اي .

وقف علي مره واحده، لان جاتله فكره :

_لقيتها عرفت هنعمل اي، احنا كل واحد فينا ياخد لوحه و نكتب عليها عاوزين شغل مقابل مبلغ كبير .

ضحك ماجد وعمر جامد عليه :

_صدقني يا علي كل مره بتبهرني بأ فكرك .

علي وهو بيحاول يقنعهم بفكرتو:

_على الاقل بفكر عندك حل تاني ما هو مافيش غير كده، امشو ورايا مره بقا .

ماجد بجديه :

-بس كده هنضيع وقت علي الفاضي و احنا محتاجين الوقت اكتر حاجه .

_يا عم نجرب كام يوم بس ولو مانفعتش نشوف حاجه تانيه .

عمر فكر شويه في كلام علي الي مالهوش اي معني :

-خلاص يا ماجد نجرب مش هنخصر حاجه، يمكن فعلا حد يشوفنا و يجبلنا شغل.

_خلاص ماشي نجرب بس مش هنطول في الموضوع ده، ما هي مش ناقصه هبل  .
_________

ياترا اي هيحصل لما ينفذو الفكره المجنونه دي

يتبع......