عدا الاسبوع بسرعه عليهم، ورجع عمر وماجد تاني من الدار وبدءو يشتغلو تاني وينفذو شغل بنفس الشكل زي المره الي فاتت وكل مره بياخدو مبلغ اكبر من الي قبلو، لحد ما جه يوم هينفذو شغل في وجود رأيس الشغل في وقت تسليم الشنط المره دي كانت الشنط كبيره، وصلو المكان الي هيستلمو فيه كان في نااس مستنينهم بصناديق كبيره نزلو و بدءو يسلمو لبعض، في الوقت ده قوات الشرطه هجمت عليهم انسحبو التلاته بهدوء من غير ما حد يحس بيهم عشان محدش يتأذي منهم :
_سلم نفسك يا خالد المكان كله متحاصر مافيش داعي للمقاومه .
كلو نزل سالحه ورفعو ايدهم لفوق القوات قربت وبدأت تقبض عليهم خالد بص للثلاثي بشر ونظره مرعبه علي رفع ايدو :
_متبصش كده ونبي دي كانت فكره ماجد وعمر هما الي كانو بيفتشو في الشنط بتاعتك وبلغو البليس واتفقو معاه .
بصلو ماجد وعمر بصدمه :
_ده بصلك بس بعتنا، امال لو كان ضربك بالقلم كنت عملت فينا اي .
علي نزل ايدو :
_لا طابعا ماتخفوش اكيد مكنتش هسلمكو ليه تسليم اهالي .
ماجد بتريقه :
_فعلا و انا واثق من ده اوي .
خلصت المهمه و ساعدو الشرطه في القبض عليهم، وقدرو ينقذو الدار وطبعا الدوله عطتهم مكافاءه كبيره بسبب الي قدمو من مساعده للشرطه، ولغو اي اجراء ضد الدار، رجعو التلاته الدار بعد ما انقذوه و رجعو تاني لشغبهم المعتاد، عمر اتجوز سمر بعد ما رجع الدار بمده بسيطه جدا و علي التاني قرر يتجوز فرجع تاني عند نورا، خبط علي الباب ونورا فتحت :
_اندهي لماما يا شاطره ..
_نعم !!
_بقولك اندهي لحد كبير اتكلم معاه.
في الوقت ده خرجت مامت نورا من جوا وبصت للباب وهي مستغربه :
_مين ده يا نورا؟..مين حضرتك ؟!
_انا علي كنت عاوز حصرتك فكلمتين لو سمحتي .
_اتفضل يابني، وسعي يا نور كدا للراجل انتي لزقتي مكانك
بعددت من قدامو، وهو دخل ورا مامتها :
_حضرتك تشرب اي .
علي بإحترام صدم نورا :
_قهوه مظبوطه لو ممكن .
_اه طبعا ادخلي يا نورا اعملي قهوه ..انتي يابت اتحركي
كانت واقفه متنحالو جامد وهو ضحك على منظرها فاقت على صوت مامتها:
_حاضر ..حاضر هدخل اعملها .
سابتهم ودخلت تحضر القهوه، وسابتهم اتكلم علي بعد ما نورا دخلت :
_من غير لف و دوران انا طالب ايد نورا بنت حضرتك للجواز .
حكلها ظروفو كلها و انو عايش في دار ايتام، وقالها انو معجب بنورا ، بعد ما خلص كلام فضلت ساكته شويه :
_طبعا انا مقدره صراحتك جدا ومحترمها بس ده جواز لازم هي الي توافق علي ظروفك مش انا، لان هي الي هتعيش معاك .
علي فرح من كلامها:
_يعني حضرتك موافقه .
_لو هي وافقت انا معنديش مشكله .
كانت واقفه وسمعت كل حاجه :
_اي رأيك يا نورا في طلب الاستاذ علي .
نورا اتكسفت قوي :
_الي تشوفيه يا ماما .
ضحكت والدتها عليها :
_الله يرحم ايام ما كنتي اول ما يجيلك عريس تقوليلي ارفضيه يا هرميهولك من البلكونه .
_بس يا ماما بقا
والدتها بخبث:
_افهم من كده انك مش موافقه، للأسف طلبك مرفوض يا استاذ علي .
نورا بسرعه :
_لا انا موافقه والله انتي ما بتصدقي .
ضحك علي و عبير اوي عليها وعلى تسرعها ده، هي اتكسفت اوي وسابتهم و دخلت اوضتها، عبير بصت لعلي الي واقف مبسوط اوي :
_دلوقتي اقدر اقولك مبروك .
علي بفرحه شديده :
_الله يبارك فيكي يا طنط و شكرا لحضرتك اوي انك قدرتي ظروفي .
عبير بحنان و ودّ:
_على اي يا ابني انتا كنت صريح معايا، و دي اقل حاجه اقدر بيها صراحتك، واكيد هطمن على بنتي معاك، انتا مخترتش تكون دي حياتك، وانا مش سطحيه عشان احكم عليك من خلال ظروفك، ربنا يتمم على خير .
*تمت بحمد الله *
أنت تقرأ
الثلاثي المشاغب( مكتمله )
Truyện Ngắnقصه قصيره ، بالعاميه المصريه، كوميديه جدا ، و رمانسيه و مغامره.
