الثلاثي المشاغب( مكتمله )

الفصل السادس

وفعلا تاني يوم جابو لوحه و كتبو عليها بخط كبير "محتاجين شغل لتلاته بمبلغ كبير"😂😂
وطبعا دي فكره علي كانو بيقفو في كل مكان ساعه و علي ماسك اللوحه بفخر اكنو ماسك كاس العالم  و الناس كلها بتبص عليهم، فجاه وقفت عربيه قصادهم والي جوها صورهم ومشي،ماجد اتعصب وشد اللوحه من علي :

-بتهيألي كفايه هبل لحد ، الناس بتتفرج علينا و لا الي بيتفرجو علي قرود في حديقه الحيوان و في الاخر واحد صورنا، انا الي غلطان اني سمعت كلام عيل اهطل .

علي بغباء، وهو مش مستوعب ولا فارقلو نظرات الناس  :

_انتا مدايق ليه ماجد دي شهره ببلاش يا جدع انتا كده بترفص النعمه .

عمر بندم ان سمع كلام علي :

_سيبك منه يا ماجد انا هروح ادور على شغل و نتقابل باليل .

وفعلا ماجد وعمر سابو علي ومشيو، وقف علي لوحدو :

_ناس محبطه دايما محطمين افكاري، انا هرجع انا دراعي اتخدر وهما ولا على بالهم سايبني شايل اللوحه .

رجع العماره الي ساكنين فيها، وهو داخل لقي بنوته شايله شنط كتير ومش عارفه تشلهم و بيقعو منها، علي عمل نفسو مش شايفها وكمل و هو بيكلم نفسو:

-اعمل نفسك مش شايف انا دراعي بيوجعني ومش قادر احركهم .

وفعلا طلع سلمتين و وقف لما البنت ندهت عليه:

_انتا يا اخ انتا يا استاذ  .

لف علي ليها و اكنو اول مره يا خد بالو من وجودها:

_بتكلميني انا يا شاطره  .

_اه بكلمك انتا هو في حد غيرك في المكان يعني.

_نعم عاوزه ايه.

_يعني هو انتا مافيش نظر خالص ساعدني حتي في شيل الشنط مش شايفني مش عارفه اشيلهم .

_وانا مالي، هو انا من بقيت عيلتك، حد قالك تجيبي حاجات اكبر منك .

البنت بتريقه على :

_لا مش من بقيت اهلي، بس من باب الشهامه والرجوله ساعدني .

علي سبها وطلع :

_لا معندناش منو شطبنا، هتنفعني في اي الرجوله و الشهامه لما دراعي يوجعني زياده.

البنت اتصدمت من رده :

_اي ده، ده معندوش دم خالص .

بص علي من على السلم من فوق بعد ماسمعها :

_انتي يابت يا قصيره انتي اسكتي بدل ما انزل اضربك ضربه مخلكيش تباني من الارض خالص .

ردت عليه وهي باصه لفوق بتحدي:

_ولا تقدر ده انا انفخك ميغركش اني بنت يا حبيبي .

ضحك علي جامد عليها:

_بنت هي فين دي، ده انتي شنبك اطول من شنبي .

ردت عليه البنت بثقه:

فعلا عشان انا ارجل منك .

سكت علي لان جبهتو طارت، وطلع الاوضه وهو بيكلم نفسه :

_يعني كان لازم تتريق اديها كبستك يا فالح اتبط بقا .

عدا عليهم اسبوع تاني وهما بردو مش لاقيين شغل، و الفلوس خلاص قربت تخلص و مش عارفين يعملو اي.
___________________________________
في مكان تاني كان قاعد بكل شموخ و حاطط رجل علي رجل وبيكلم واحد واقف قدامه:

_جبتلي كل حاجه عنهم .

_ايوا يا باشا دول عيال متربيين في دار ايتام  و دار الايتام ده متهدد انو يتقفل عليهم ضرايب كتير عشان كده هما بيدور علي شغل عشان يسددو الضرايب و يوضبو المكان .

_تمام العيال دول عاوزهم عندي بكره بالكتير انا محتاجهم .

_حضرتك هتعوزهم في اي دول، دول ما يفهموش في حاجه.

وقف وهو متعصب جامد:

_ انتا هتتناقش معايا، انتا تنفز الكلام و انتا ساكت فاهم ولا لأ.

هز راسو بخوف :

_حاضر يا باشا اومرك هيكونو قدامك بكره .

يتبع.....