الثلاثي المشاغب( مكتمله )

الفصل الثاني

عدا علي اليوم ده عشرين سنه، ماجد و عمر وعلي بقو عصابه الدار وكان رأيس العصابه ماجد و دايما يتعاقبو بسبب شقاوتهم وكل ما حد يجي يتبني واحد فيهم يطفشوه عشان يفضلو مع بعض،في يوم كانو واقفين التلاته في مكان قريب من المكتب بتاعه المديره، سمعو صوتها بتزعق جامد :

_ ماااااااااجااااااااد...

التلاته طلعو يجرو بعيد، كانت جايه عليهم حسناء وهي شايه سبت فيه هدوم، اول ما شافتهم جاين عليها غمضت عنيها :

_اشهد ان لا إله إلا الله، واشهد ان محمد رسول الله.

كانو بيبصو راهم ومش شايفين الطرقه قدامهم،خبط عمر في حسناء وقعها و وقع هو التاني و وقع فوقهم ماجد و علي، حسناء وهي بتزقهم من فوقها وهي متنرفزه :

_ابعد عني يا بغل منك ليه كسرتو عضمي .

قامو من فوقيها، عمر كان مكسوف جامد :

معلش يا حسناء حق عليا انا الي ماشوفتش قدامي .

حسناء وهي بتبص لماجد بشر :

_العيب مش عليك العيب علي رأيس القطيع كبيركم
.
ماجد قرب منها ورفع سكينه صغيره في وشها خوفها بيها هي عارفه انهم مجانين :

_تقصدي مين رأيس القطيع يا حسناء هاا..؟!

رجعت حسناء لورا بخوف :

_اكيد مقصدكش يا ماجد، قلبك ابيض ده انا اقصد بكبير القطيع، المديره .

سمعو صوتها جاي من وراهم وهي ساندا علي عكزها وبتخبطو في الارض بغضب :

_مالها المديره يا حسناء ؟!

حسناء خافت من شكلها الي بيقول ان العصابه دي عملت مصيبه :

_ابدا يا سياده المديره ماقولتش.
المره دي اتكلم علي بغباء شديد :

_دي كانت بتقول عليكي كبيره الق......

حطت حسناء ايدها علي بقو بسرعه قبل ما يكمل:

_اسكت الله يفضح، مابتسترش ابدا .

بصت المديره للثلاثي بصه مخيفه اوي:

_حصلوني انتو التلاته علي المكتب.
سابتهم ومشيت حسناء ضحكت عليهم وهي شمتانه :

_صحيح حق ناس، بيخلصو ناس .
ماجد بصلها جامد، ورفع السكينه الي كان خبها لما المديره جت :

_هتسكتي ولا ارسملك لوحه حلوه علي وشك بالسكينه دي .

مشيت حسناء من قدامو بسرعه :
عمر وهو مدايق:

_يعني كان لازم نحطلها بيض علي الكرسي ، ادينا هنتعاقب بسبب تلت بيضات، طيب نعمل حاجه عليها القيمه عشان لما اتعاقب محسش بتأنيب الضمير.

جاد بحصره وهو بيبص ناحيه علي:
_و ياريت بيض حلو ده بيض ممشش و ريحتو تقرف .

علي وهو حاطط ايدو في وسطو زي البنات بطريقه تضحك :

ماتبصوش كده ده دوري اختار المصيبه يبقا تتعاقبو و انتو ساكتين.
قربت منهم بنت هاديه وجميله عنيها منزلتش من على عمر وهي بتتكلم :

_المديره بتقولو تروحو حالا المكتب وإلا العقاب هيبقا مضاعف .

بصلها عمر وافتكر انو متخانق معاها ودا وشو الناحيه التانيه وهو عامل مقموص :

_روحي انتي واحنا جيين .

سابتهم ومشيت، وهما مشيو ورا بعض علي المكتب، خبطو و دخلو، قابلتهم ريحه البيض قالبه المكتب، لقوها واقفه جنب المكتب وسانده علي عكاذها

________________________

تفتكرو اي هيحصل في مكتب المديره