ابرار : خلاص تمسو ع خير، باقي الرواية حاكملو ليكم بكرة.
اسيل: لٱ ي ماما كمليه هسي،🥺🥺
باسل : ااي يا ماما كمليه اصلا م عندنا نوم ☹️
ابرار ضحكت وباست اى واحد فى خدو وقالت ليهم بكرة عندكم مدرسة لآزٍمٍ تنومو بدري ووعد منى بكرة بحكيها ليكم للاخير 💜
اسيل وباسل: طييب
المسافة ديك خلينا نتعرف على ابرار
اهلين انا ابرار بينادونى بِــرُّو، وحيدة امى وابوى 💜 عمرى 32 سنة متزوجة وعندى ولدين
،، بـاسل♥️ (عمرو 10 سنوات) وأسـيل♥️( عمرها8 سنوات)
- فى ال32 سنة حصلت لي احداث حاسردها عليكم، وبتمنى انكم تشاركونى الرواية دى بأحاسيسكم ♥️
🖤⛓️__________________🖤⛓️
.
.
هبطت الطيارة فى مطار الخرطوم وابرار م̷ـــِْن الفرحة كانت حتطير 💜 غياب 10 سنوات ما حاجة ساهلة ،،
كانت هى وامها وابوها قاعدين فى صالة الجلوس، ومنتظرين ود خالتها"مهند" عشان يجي وياخدهم للبيت،،
بلسان ابرار
بعد ربع ساعة شايفة لي شاب جا علينا وسلم على ابوى بالاحضان بعداك جا وباس راس امى وسلم عليها حتى جا ومدّ يدو عشان يسلم علي. وهو مبتسم وبيسألنى م̷ـــِْن حالي،، لا لٱ دقيقة يعنى دا هو مهند؟؟🙂 اتغير 180 درجة بقا حاجة كدة بس خلوها بالنية 🤌♥️ عمرو بيكون حوالي 25 سنة اقل ما يقال عنو وسيم ، كان لابس قميص بالكحلي وبنطلون جينز بالأسود ، جسمو رياضي ولونو اسمر هادى وملتحى ودى اهم حاجة🌚♥️، وعندو غمازة واحدى على خدو اليمين بتظهر لما يضحك.🥺💜💜 الحاجات دى كلها لاحظتها لما كنت راكبة في السيارة وبعاين ليه بالمراية،
مهند: اها ي بـرو بتقري فسنة كم
ابرار: في تانية جامعة،
مهند:ماشاء الله موفقة 💜
ابرار: اللّـه لا ضراك😊💜
بقا يتونس مع امى وابوى لعنند ما حصلنا بيتنا،
نزلنا ومهند دخل لينا شنطنا وعماتى وخالاتى استقبلونا من الباب💜،،
اخدنا ساعة كاملة كلها عبارة عن سلام، بعديها ركبت لغرفتى ورقدت نمت لانى كنت نعسانة شديييد
________________
صحيت وبطنى بتقرقر م̷ـــِْن الجوع فتحت تلفونى لقيت الساعة ماشة لخمسة م ،، مشيت استحميت وصليت الصلوات الفاتتنى ولبست بجامة وسرحت شعري كعكتين ونزلت ليهم تحت،،
بعد ما نزلت لقيت ليك بت طايرة فينى وحاضنانى بعد مدة حتى فكتنى عاينت فيها عشان اعرفها هى منو ،، اخدت مسااافة حتى صرخت وقلت: دووعاااء يا بت الشوووق، ورجعت حضنتها تانى 😭💜💜💜
اتغيرت رسمييي. زمان كانت ضعيفة اما هسي صحتها بقت سمحة،ولابسة. نظارة بتكون حقت ضعف نظر ، لْـۆ ما عشان غمازاتها كان نكرتها عديل 😂😭💜💜 اخدنا فترة ونحن بنسلم ونسال عن احوال بعض، مشينا للمطبخ وعملنا اندومى وشيبس، و ركبنا لغرفتي بقينا ناكل ونسال عن احوال بعض و الحصل لينا فى السنوات دي ♥️
دعاء: اها تركيا كيف وكيف
ابرار : والله عادية، السودان احلي بمليون مرة☹️♥️
دعاء: لٱ يعنى هسي انتى من عقلك كدة عاوزة تقارنى لي السودان بتركيا 🐸؟ قومى لفي بالله
ابرار: السودان حلوة بناسها واهلها ♥️وصحي
النظارة اللابساها دى حقت ضعف نظر؟
دعاء : لالا دى نظارة بتحفظ النظر بلبسها لما اكون قاعدة اقرا عشان نظري ما يتأثر،، اصلا قبل م اجيكم كنت بقرا، وامى قالت لي انكم وصلتو خليت اى حاجة وجيتكم جارية 😂💜
ابرار:اهاا😂♥️ بتقري مجال شنو؟
دعاء:طب بشري😫💔 عبارة عن قرااااية وحفظ ووجع راس خليه بالنية، ، وانتى
ابرار:مجال تمريض🌚♥️ للاسبوع الجاي حانزل طول عشان فاتنى كتيير
-استمرت الونسة وهم بيتذكرو في طفولتهم والذكريات الحلوة ،لعند ما ابرار سالتها وقالت ليها: صحي حنان كيفها!(حنان دى أخت صدّام اكبر م̷ـــِْن ابرار بسنتين )
دعاء: والله كوييسة قبيل اتصلت عليها واتونست معاها ،وريتها انكم حتجو للسودان ،، يحليلهم رحلو وخلو لينا حلتنا كئيبة خلاص☹️💔
ابرار:رحلوو ؟!!!
دعاء وهى بتقلع فى النظارة وبتتثائب: ايوا رحلو ليهم هسي زي سنتين كدة،،
ولٱ تلات سنين كدة،
بكون اربعة والله م عارفة، نعسانة انا خلينى انوم حبة ، للساعة 7 صحينى عندى قراية م خلصتها
ابرار باقي اليوم تفكيرها كان مشوش وواضح عليها انها حزينة،،،
مرة اسبوع وجا يوم السبت، عَلِي (ابو ابرار ) كان قاعد فى الصالةة وبيشرب فى الشاي ،نده على ابرار ، جات نازلة ليه ودار بينهم الحديث التالي:
_______
_______
يتبع..
