بلسان رغد
مرة 3 شهور م̷ـــِْن وفات امى، وديل كانو اكعب 3شهور مرّو عليا فحياتى كلها 💔فقدان الام دى حاجة كعبة شديد، ربنا م يضوقكم ليها💔 ،،
بعد ما ال3 شهور دى مرت ،، نسبة لانى استقريت فى بيت عمى حسين ،،،خالتو نوال وعمى حسين اتصلو على اعمامى يلى فى البلد وطلبو يدي لولدهم صدام،"طبعا دا بعد ما اخدو رايي وانا وافقت"
،، رغم انى عارفة صدام بيعتبرنى زى اختو الصغيرة ورغم انى عارفة انو م حيوافق على الزواج دا، م حادس عنكم و اقول ليكم انى م حبيتو، بس فى النهاية انا بت خالتو أولي بيه م̷ـــِْن الغريبة، ولا كيف؟ وغير كدة ماكان عندى خيار غير انى اوافق لانهم م قصرو معاي نهائي
________________
بجانب صدام،،،
حسين: مرة 3شهور وانت لسه م اديتنا جواب معين ، انت عارف كويس اننا عايزنك تعرس رغد عشان البت تقدر تاخد راحتها فى البيت،
نوال: هسسي دى طلع لي عيب فى رغد بت زي العجب،، بس كان اعرف سبب رفضك ليها شنو
صدام:ي امى رغد انا بعتبرها زى اختى وغير كدة بصراحة انا عاوز اتقدم لأبرار بت عمى عَلِي،،
بعد لحظات صمت
حسين: بت عَلي ما فيها كلام، خلاص ممكن تعرس رغد وبعد كم شهر عرس بت علي،،
صدام:لٱ ي ابوى انا عايزها هي بس ، رغد ربنا يديها الاحسن مني
نوال:ياا ولد اسمعني يا تعرس رغد بت اختى المرحومة يا انا ما عافية ليك
حسين:لٱ ما كدة ي نوال براحة
نوال:لمتين نقعد نتمسكن ليه كدة؟ المفروض يشيل مسؤولية البت اليتيمة دي وبرااهو يجي ويقول لينا انا عايزها ، المهم دا ٱڅڑ كلامى لْـۆ ما عرستها ما عافية ليك
بعد كلام نوال زول عَلـــَّق ماف،
________________
بجانب ابرار
مرت الايام والشهور عادية بالنسبة لي، بس حسيت صدام فى الآونة الاخيرة بيتجنبنى حتى فى الجامعة لما يلقانى قاعدة فحتة بيتجنبها، م عرفت الحاصل ليه، لعند في يوم م̷ـــِْن ايام الجمعة لقيت حنان خاتة حالة النت كان ضعيف ما فتح معاي بس الصورة كانت ضبابية وواضح انها صورة جرتق، انتظرت شوية والصورة برضو م فتحت، طلعت م̷ـــِْن الواتس وبقيت بتصفح فى الفيس، لقيت دعاء متصلة عليا بالواتس. مشيت فتحتو لقيتها مرسلة لي:بتتت شفتى حالة حنان؟؟!!! قلت ليها:لالا لَـيش
رسلت لي صورة خلت عيونى تشوف طشاش طشاش، صدام ورغد لابسين لبس الجرتق ليه؟ لالا طيب صدام محنن يدينو لشنو؟ لٱ 😂 مستحيل انا متاكدة انو دا فوتوشوب ولا حاجة بالشكل دا ♥️💕
قفلت التلفون وجري شلت شيتاتي وبقيت اقرا ودا كلو عشان الهي عقلي م̷ـــِْن التفكير، ، جاتنى دعاء ولقتنى بكتب واقرا عرفتنى دخلت فى حالة صدمة، جات حولت الشيتات وقعدت قدامى وقالت:م̷ـــِْن البداية كنت عاوزة أنبِّهك واقول ليكى ما تبنى آمالك مع واحد انتى م متاكدة م̷ـــِْن مشاعرو اتجاهك، لَـگِنْ خفتك تفهمينى غلط ، عموما يا صحبتى الدنيا م بتوقف عليهو، بعد كلامها دا دموعي سالت انهمرت عديل، وانا يادوب بادية استوعب قلت ليها: بس دا حبيب الطفولة! هو هو كان قاعد يقول لي انى حابقي مرتو
دعاء: دا كان يا ابرار، احتمال حب الطفولة يلى كان بيكنها ليكى اتلاشت مع الزمن، انتى حاولى اتناسيه ما عايزاكى تمرّى بالاكتئاب الانا مريت بيه، هسسي دي قدامى احذفي رقمو ، بكيت بكيت قدرتى حسيت الدنيا دى مسخت لي بكّلو
بعد ما وقفت بكى شلت تلفونى وكنت حاحذف رقمو فجاءة لقيتو متصل عليا، عاينت لدعاء قالت لي ردي، رديت عليه سلم عليا وطول حكا لي انو اتزوج رغد والسبب الخلاه يتزوجها والحوار الدار بينو وبين امو وابوه بالتفصيل، وكأنو عرف انى زعلت م̷ـــِْن خبر زواجو،
لٱ وكأنو عرف انى كنت بحبو !!،، بصراحة بعد ما حكا لي بالموضوع، حسيت قَلبـــي ارتاح شوية ،على الاقل حبو حق الطفولة لٱ يزال قائم وكان حيتقدم لي🖤! قلت ليه م̷ـــِْن بين دموعى : حصل خير وصدقني فرحانة ليك شديد وربنا يهنيك مع رغد وطق قفلت الخط وحذفت رقمو، وكملت باقي يومى بكا
________________
بعد اسبوع م̷ـــِْن الكلام دا،، ابوى بدا يجهز للسفر عشان عطلتو خلصت، انا برضو كان عِنـديّ نية اسافر عشان القي#نهاية الحب الكنت بكنها لصدام، فاتحت امى وابوى فى الموضوع ابوى ما كان عندو مانع لانو كان مدلعنى وبيلبي لي طلباتى كلها 🌚💕 اما امى بعد ما قلت ليها انى عاوزة احسّن مهنتي و اقرا معهد ... للتمريض ، حتى وافقت انى اسافر على شرط انى بعد ما آخد شهادتى طول اجي راجعة( دورة المعهد 4 شهور)
________________
يتبعع....
