فى الجامعة
دعاء: كدى هسي انتى متاكدة انو هو؟ احتمال يكون شبه ساي !
ابرار: وقسما بالله هو زااااتو ولا شبه ولا شئ، ياخ انا م̷ـــِْن الخلعةة نسيت اقدم ليه الموية،
دعاء: صدفة عجيبة!!
ابرار : قصدى يعنى فى فرق شاسع ما بين اسلوب صدام الانا بعرفو وما بين اسلوب الشاب المتعجرف دا ! 🙂
دعاء قرصتها وقالت ليها بصوت خافض:اسكتى
ابرار: م بسكت ياخ، معقولة الود الكريه المتعجرف دا يطلع صدام !!
سمعو صوت شاب بيقول: الكريه المتعجرف الانتى بتتكلمى عنو دا واقف بوراكى
ابرار اتخلعت وعاينت بوراها لقتو واقف وخاتى يدينو في جيوبو وبيعاين فيها، عاينت لدعاء وعملت ليها حركة نظام مالك ما وريتينى، دعاء رفعت ليها حواجبينها وكتفها نظام وريتك انا لَـگِنْ انتى م ركزتى
بعد فترة م̷ـــِْن الصمت صدام اتنحنح وجا وقف قدام ابرار وقال ليها: اكيدة طبعا لْـۆ كنت عارف انو دى انتى يلى كشحتى فينى العصير ما كان جطت فيكى الًيَوُمًِ داك ،
ابرار ابتسمت ببلاهة وقالت ليه: لٱ عادى 💜
صدام عاين ليها وابتسم وقال: اتصافينا؟
ابرار هزت راسها. ولسه الابتسامة ما فارقت وشها
بعداك اى واحد ركز للتانى انو لابس لبسة باللون البنفسجي، ابرار كانت لابسة الفستان البنفسجى الكان اشترتو ،، اما صدام فكان لابس قميص حق زراير لونو بنفسجي وبنطلون اسود
صدام: تتذكري لما كنت بلعب مع اصحابي كورة وانتى بتجى تقعدى فى السور وبتشجعينى 😂💜
ابرار ضحكت وقالت ليه:برضو الًيوم يلى كنت بكنس فِيَھ فى الحوش وانت طلعت فوق السور وخلعتنى. 😂💔
صدام: هههههه برضو تتذكرى يوم ما كنتى راجعة م̷ـــِْن المدرسة ولقيتينى فى طريقك وسالتينى م̷ـــِْن لونى المفضل!
ابرار اتنحنت بخجل وقالت : ايوا متذكرة
واستمرت الونسة بيناتهم وهم بيتذكرو فى طفولتهم، بعدها اخدو ارقام بعض واى واحد مشا لمحاضرتو
________________
فى نفس الًيَوُمًِ بعد ما ابرار ودعاء خلصو محضاراتهم، مشو لتوتى واتصورو واتونسو وقضو يومهم وجو راجعين للبيت،
________________
بجانب دعاء
بعد ما رجعت البيت نمت وصحيت زمن المغرب ،، ختيت صورنا انا وابرار حقت الًيوم ، فى الحالة ،،شوية كدة مؤيد رسل لي:بيبي المعاكى دى منو؟
دعاء: دى ابرار لْـۆ بتتذكرها زماان كانت ساكنة فى حلتنا
مؤيد: اهاا ااي اتذكرتها
دعاء: ليه بتسأل عنها؟
مؤيد: لالالٱ ساي بس، المهم يومك كان كيف يقلب♥️
واستمرت ونستهم،،،
________________
بلسان ابرار:
انا وصدام بقينا اصحاب روح بالروح 💜 وهو مرات بيلمح لي بانو عايزنى وكدة 🙈♥️♥️
زي مثلا مرة لقانى كاتبة فى سيرتى الذاتية حقت الفيس:( ام اسيل) اتصل عليا واتونسنا مسافة حتى قال لي:اسيل دى منو الكاتباها فى سيرتك الذاتية🤔
قلت ليه دا اسم بتى المستقبلية 🌚♥️!
قال لي: قصدك اسم بـتنا المستقبلية 💜!
طبعا م عرفت ارد عليه بشنو وغيرت مجرى الونسة، لعند ما امى ندهت عليا وقفلت منو، مشيت ليها قالت لي افتحي الباب بيدق، لما مشيت فتحتو لقيتها دعاء ، بس ملامح وشها م بتبشر بالخير ، فضلتها ومشينا لغرفتى وقبل ما اسالها قالت لي: ابرار انا واقعة فى ورطة ،، وبسببي انتى زاتك وقعتى فيها💔💔
ابرار: بسم الله ورطة شنو ؟؟!!
دعاء اخدت نفس ويدينها لسه بيرجفو قالت ليها:
________________
يتبع...
