واخيرا وصلنا لتركيا🥺🇹🇷♥️ مشيت ركبت لغرفتى لقيتها مغبرة حبة، نضفتها ورتبت ملابسي فى الدولاب ومشيت استحميت حتى نزلت تحت و عملت لينا انا وابوي اسبكتى🍝 وبقينا ناكل ونتونس،،
علي: اهاا اسجلك فى المعهد طوالى ولا ترتاحي شوية
ابرار:لالا سجلنى طوالى م تعبانة
المهم فى نفس الًيَوُمًِ ابوى مشا سجلنى فى المعهد وجاب لي معاهو دفاتر واقلام💕
________________
الًيَوُمًِ التانى طوالى مشيت للمعهد ولحسن الحظ اتعرفت على واحدة سودانية اسمها مودة( مودة دى عملت ليها رواية اسمها رسالة م̷ـــِْن مجهول، يمكن اغلبكم قراها 🌚♥️)
رغم انى حسيت انو فيها انطفاء ،، بس كانت ظريفة شديد ووناسة المهم مع مرور الايام بقينا صحبات شديددد وقريبات لبعض،
________________
.
.
بعد مرور شهرين
ابرار ومودة كانو قاعدين فى كراسي الاستراحة بعد ما المحاضرة انتهت
ابرار شافت ليها بت وولد لابسين طقم وماسكين يدين بعض وبيتكلمو برومانسية قالت لمودة :مودي شوفي الاتنين ديل حلوين كيف مع بعض🥺♥️
مودة: ايواا
ابرار:شكلهم بيحبو بعض🥺💕💕
مودة ضحكت بانكسار وقالت:
م تصدقي المناظر ، احتمال الشاب دا يكون قاعد يكذب عليها ساي؟!!
ابرار:انتى مشكلتك شنو مع الحب 🙂 دايما بتحسسينى انو الحب مجرد خداع ونفاق
مودة:لانو فعلا مجرد خداع ونفاق!
ابرار: لٱا 😐
مودة: اوف طيب بحكى ليكى قصة حياتى والسبب الرئيسي الخلانى اجى لتركيا وانتى بعد كدة احكمي
ابرار:اوك
مودة حكت لابرار بالحصل ليها لما كانت فى السودان(حكايتها موجودة فى روايتها)
المهم بعد ما مودة انتهت م̷ـــِْن سرد حياتها، ، اتنهدت وقشت دمعة متمردة سالت على خدها وقالت لابرار:ها ورينى رايك ،، بت سرحتى وينن؟
الوقت داك ابرار كانت بتقول فى نفسها:سبحن الله الفرق الوحيد بين حكايتى وحكايتها هو انو صدام رغما عنو اتزوج رغد. ، اما ياسر بإرادتو انسحب واتزوج غيرها،،،،
مودة وهي بتطقطق بيدينها :هيي برو
ابرار بعد ما رمشت كم مرة: هااا اى معاكى
مودة: ها وانتى قصة حياتك شنو؟
ابرار فى نفسها: يا رَبـي اوريها بصدام؟ لالالا احتمال ما تتفهم موقفو وتعملو زي ياسر.،، :ااا اه لٱ انا م عندي قصة فى حياتى😊
مودة :ايواا
بعد كم دقيقة
ابرار: بافتكارك. حب الطفولة بيتغير مع مرور. الزمن؟
مودة باستغراب: امم والله على حسب ، فى ناس بتتغير عندهم وناس لٱ ،،لشنو السؤال؟
ابرار:لالا ساي،، رايك شنو تجي تبيتي معاي الًيَوُمًِ؟ 💕
مودة:امم طيب حاتصل على اختى واوريها (مودة عايشة مع اختها المتزوجة)
فى الطريق وهم راجعين:
ابرار: الراجل لْـۆ خيروه بين انو يتزوج البت الهو بيحبها وما بين البت الامو اختارتها ليه، حيختار وينها؟
مودة عقدت حواجبنيها
وقالت:بري ما عارفة ، لَـگِنْ لما ابقا راجل بوريكى🙂
ابرار:😂😭 م كدة لَـگِنْ يعنى انا حاسة انو هو حيختار البت البحبها الا لْـۆ امو رفضت رفض شديد مش؟
مودة: اسكتي صدعتى بي
فى الليل
ابرار بهمس:مودة
مودة وهي راقدة متغطية ونعسانة: هااا
ابرار: مثلا لْـۆ واحدة فينا حبت حب طفولة ممكن انها تتخلص منو؟
مودة قامت م̷ـــِْن السرير وقالت ليها:عاينى انتى متاكدة وراكى ماف قصة؟
ابرار بابتسامة وهي بتنفي براسها: لٱ ابداا
مودة شافتها بريبة ورقدت نامت وخلت ابرار بتفكر فى دوامة اسالتها
________________
يتبعع....
