الشاب قام م̷ـــِْن الكرسي بزهج لمن الكرسي وقع وقال ليها بعصبية: عميانة انتى ما بتشوفي !!
بعد جملتو دى كل الناس الكانو فى الكفتيريا سكتو وبقو مركزين معاهم
ابرار ربّعت يدينها وقالت ليه ببرود : فالنفترض انى انا عميانة انت عيونك بتشكى م̷ـــِْن شنو ؟؟! ومادام انك مادّى رجلك بالشكل دا يبقا اتحمل اي شئ يجيك
الشاب : رجلي بمدها اى مكان انا عاوزو ما انتى البتورينى ،ضحك بسخرية بعداك قال ليها باستهزاء ياا برلومة،، ،، هنا اصحابو ضحكو
ابرار حست بالهزيمة لَـگِنْ م بينت ليه، ضحكت بثقة وقالت ليه: رجلك بالكسر ان شاء الله😏 وهاكا القروش دي اشتري ليك بيها قميص مع انو القميص الانت لابسو دا رخيص، لَـگِنْ م مشكلة اعتبر باقي القروش صدقة وجدعت ليه القروش فى وشو،،ومشت وخلت الناس منصدمة م̷ـــِْن برودها وشخصيتها القوية، بيجاى صاحبنا كان حيطق م̷ـــِْن الغيظ، مشا ليها ورمي القروش قدامها وقال ليها. وهو بيضغط على اسنانو : احسن ليكى تطلعي م̷ـــِْن راسي و الا قسما بالله اندمك على الًيَوُمًِ الجيتى فيه للجامعة دى، ،،طلع وهو معصب واصحابو مشو لحقوه
ابرار مشت قعدت ليها فى كرسي واتنهدت شوية كدة ودموعها نزلو، لانها م متعودة على انو حد يهينها، ، دعاء جات وشافتها فى وضعها داك
دعاء: اجي بــرو مالك فى شنو ؟؟
ابرار بصوت باكى: ماف شئ
دعاء: الليلة ما حأسيبك الا تورينى مالك
ابرار،حكت ليها بالموقف حق الشاب، دعاء ضحكت وقالت ليها يختى الجامعة مشاكلها م بتنتهى انتى بس حاولي اتخطيهم
ابرار: كريه خلاص، م شفتيه فشّلنى قدام الناس كيف !
دعاء: معليش تكبري تنسي ورح هسي نمشي
بعد ما ابرار رجعت البيت استحمت ونامت ومرة الًيَوُمًِ بدون احداث تذكر، ،
________________
جا الصباح وابرار عملت روتينها اليومي ولبست ليها عباية بنفسجية، وحجاب ابيض وطرحة بيضا، نزلت تحت شربت الشاي مع ناس البيت ومرقت مع دعاء للجامعة ،،، لما وصلو عند البوابة جات بت سلمت على دعاء ودعاء قالت ليها: سوسو دى ابرار الكلمتك عنها ،، سوسن سلمت على ابرار سلام معرفة وقالت ليها، : هااى انا سوسن بقرا مع دعاء، وداايما هي بتكلمنى عنك 💜 ابرار: اهلين فيكى 😊♥️ ، بعداك سوسن بقت تتونس مع دعاء وهم لسه واقفين ،، شوية كدة ابرار سمعت صوت تفحيط بالسيارة ،، عاينت وراها لقتو الشاب حق امس وكان نازل م̷ـــِْن السيارة بعد ما بركنها. ،، عاين فيها م̷ـــِْن فوق لتحت واتجاوزها ودخل للجامعة، ابرار كانت حتطق م̷ـــِْن الغيظ ،،،، لَـگِنْ كتمتو جواها
________________
قبل ما تبدي المحاضرة بكم دقيقة ، ابرار اتعرفت على بت اسمها رزان وكانت لطيفة وونستها حلوة 💜 ،، بدت المحاضرة الاولى، وبعد ما خلصت بدت التانية، وبعدها طلعت م̷ـــِْن القاعة ومعاها رزان وبقو يتمشو ويتعرفو على بعض اكتر. ،، فى طريقهم كان فى 3 شباب قاعدين تحت شجرة وكانو بيتونسو، ومن ضمن الشباب ديل كان الشاب حق امس،
رزان و ابرار لما قربو منهم الشاب عاين في ابرار، ابرار ادتو تحميرة لممن عرف اللّه كم 🐸👌 عاد زولتنا انبسطت بسطة ،،،،
ومرة الاسبوع بنفس الطريقة مرة هى تحمر ليه ومرة هو يحمر، لعند ما جا يوم الجمعة
بلسان ابرار
فى الصباح امى دخلت لغرفتى ولقتنى نايمة جات حولت الستارة م̷ـــِْن الشباك وفتحتو والشمس جات طق على عيونى، طول كرمشت شوي
وقلت خخخخخ امى ياخ
امى: مصاصة دماء انتى؟ 🙂
فتحت عيونى بصعوبة وقلت ليها: مالك معاي هسي 🥺💔
قومى قومى جايننا ضيوف
ابرار: منوو
ناس نوال ( أم صدام) الكانو جيرانا وعندها بت اسمها حنان لْـۆ بتتذكريهم حيجونا الًيَوُمًِ
ابرار: نطيت م̷ـــِْن السرير وقلت ليها: هم ديل ناس بيتنسو 😍!! طول مشيت الحمام سوكت واتوضيت صليت الصبح، بعداك رتبت البيت وبخرتو وساعدت امى فى الطبخ الوقت داك ابوى مشا للجامع يصلي و كان عندو مناسبة بعد صلاة الجمعة مشا ليها ،،،
بعد ما ساعدت امى مشيت استحميت. ولبست لي بجامة وسرحت شعري جمايكتين وبقيت منتظراهم 💜 بعد نص ساعة كدة سمعنا الجرس رنّ ختيت طرحة كبيرة فى اكتافي ومشيت فتحت الباب وكانو هم، 💜🥺 سلمت على خالتى نوال بالاحضان وحنان كذلك💜 فضلتهم جوا، وسلمو على امى بالاحضان والاشواق وكانت لمة حلوة شديد بس صدام ما جا ☹️💔💔
امى:صدام وينو يخوانى
خالتى نوال: والله جابنا ومشا، قال عندو مشوار ضرورى، ،بعد يخلص حيجى
امى: يحليلو والله، اتخرج ولا لسه؟
خالتى نوال: دى ٱڅڑ سنة ليه، بيقرا ادارة اعمال،
امى:يحليلو رَبـيٌ يوفقو
واستمرت ونستهم وانا الوقت داك مشيت عملت القهوة وحنان جات ساعدتنى وعملت الفشار والفنكوش، والكيك كان جاهز قطعتو مربعات،
وختيت فى صحون صغيرة مكسرات رصيتهم بطريقة ظريفة ووديتها ليهم وولعت بخور، امى قالت لي. شيلى صحن انقصي الفنكوش والكيك ووديه لصحبتك دعاء، قلت ليها تمام
لبست توبي وشلت الصحن ومشيت ليهم على اساس اديهم الصحن واجى لَـگِنْ الونسة جرت حبة 🌚💔 لما خلاص طلعت من بيتهم اشوف ليك سيارة واقفة قدام بيتنا، قلت ها خلاص دا اكيد صدام 🥺💜 جيت جارية للبيت( الشفقة التطير🐸💔) مشيت لقيت امى فى المطبخ قالت لي بركة الجيتى هاكى الموية دى وصليها لود نوال فى الديوان، انا هنا عيونى بقت قلوب 😍 شلت الصينية وسامعة نبضات قلبي شغالة دق دق دق، لما وصلت للديوان اشوف ليك !!!!
ابرار بصدمة : انتت ؟؟!!!!
صدام كان شغال بتلفونو وم ركز انو فى حد دخل، بس بعد ما سمعها عاين ليها و ملامحو اتغيرت لصدمة، وقف على حيلو وقال ليها: انتتتي؟!!!!
________________
يتبع..
