اصبح الصباح ، صليت الصبح والضحي واتصلت على دعاء وعزمتها لتخريج بت خالتى، ، حتى نزلت ليهم تحت لقيتهم بيختو فى الفطور ، فطرنا واتونسنا وشربنا الشاي وبعدها اى واحد فينا مشا لغرفتو عشان يجهز للتخريج ،،، ،،،
________________
كنت لابسة فستان باللون الأزرق فِيَھ نقشات باللون الابيض وحزامو لونو اسود ومن فوق فِيَھ ربطة على شكل ڤيونكا " تصميمو بسيط وراقي، لميت شعري بالشباكة ولبست طرحة بيضة وجزمة بيضا ، اكتفيت بانى اخطط حواجبينى واحط مسكرا ، طلعت جميييلة 😌🤍💙شوية كدة دعاء جات وكانت لابسة قميص لعند الركبة. نظامو واسع ولونو ابيض، مع بنطلون لونو اسود وبرضو تصميمو واسع، مع طرحة سودا وجزمة سودا
بعد ما جهزنا اتصلنا على مهند وجا وصلنا لمكان التخريج (التخريج عملوه فى صالة)
وصلنا وقعدنا كلنا فى طاولة واحدة اما مهند فمشا لاصحابو الكانو ماسكين تنظيم الاغانى، مكانهم كان فى الركن الجنب المسرح، المهم بدو برامجهم وكان حلو شديد، وبعد ما خلاص ذاعو الخريجين، فتحو لينا اغانى عاد حتينا حت 💃💃💃 انا ودعاء ركبنا فى المسرح مع باقي البنات ولبسنا طواقي الخريجين وبقينا نتصور ونرقص انبسطت شدييد لانو دى اول مرة احضر تخريج حلو بالشكل دا، هناك فى تركيا تخريج الروضة مسيخ ما زي هنا،،، المهم فى نص الهجيج عيني جات على مهند وهو بيعاين فينى، م قدرت افسر نظرتو بس م̷ـــِْن ما شفتو طول حول نظرو منّى وشاف فى الارض، يادوب ركزت فِيَھ، كان لابس قميص حق زراير باللون البيجي وحالق شعرو بطريقة مرتبة ولابس ساعة رصاصية ،،، قبضتو قريب 3 مرات وهو بيعاين لي بالسرقة 🌚💔،،
فى المرة الرابعة لما شافنى ابتسمت ليه ابتسامة عرييييضة ورمشت بعيونى كم مرة ، هو طوالى عاين للارض وعقد حواجبينو. ضحكت فى ردة فعلو دى 😹😹💔 ،، المهم لما خلاص تخريجهم انتهى رجعنا للبيت ختيت تلفونى فى الشحن ومشيت استحميت وصليت الضهر والعصر ومر باقي اليوم عادي،،
________________
بجانب صدام،،
بعد ما ابرار رسلت لي رقم مؤيد، طول اتصلت عليهو وطلبت منو يقابلنى فى .....
المهم انتظرت زى ربع ساعة كدة وجا،
مؤيد باستهبال:اووو صدام ياخ اخبارك شنو
صدام دخل يدينو فى جيوبو ابتسم بمكر وهو بيعاين ليهو جوا عيونو : اوو مؤيد ياخ ليك زمن
مؤيد قرب منو عشان يصافحو، صدام مسك يدو واداهو بوكس ورقدو فى الارض وهو خاتى يدين مؤيد ورا ضهرو وماسكهم بيدينو، قرب لاضانو وهمس ليه بفحيح : البنات ديل عايز منهم شنو
مؤيد ضحك باستهبال وقال ليه : البنات البعرفهم انا كتااار قصدك اى بناات فيهم
صدام ضحك وقال ليه كوويس يعنى معترف بانك واحد نسونجي، ضغط على يدينو زيادة وقال م̷ـــِْن بين اسنانو: ابرار ودعاء
مؤيد رفع حواجبينو وقال : اى مالهم
صدام مسكو م̷ـــِْن شعرو وقال ليه بصوت عالي: انت فاهم وانا فاهم، بتهددهم بصورهم ليه؟ وانت بتعرفهم م̷ـــِْن وين اصلا ؟!!!!
مؤيد ابتسم بالجنبة وقال ليه:البنات ديل بنات*** قبل ما يكمل جملتو صدام ضربو بوكس فى بطنو لمن بزغ دم وقال ليه:وقسما بالله بقتلك الليلة قبل بكرة، احسن ليك تتنقّي الفاظك
مؤيد وهو بيكح م̷ـــِْن اثر الضربة:دى هى الحقيقة وهسي بديك الدليل م̷ـــِْن تلفونى
، قبل ما صدام يتكلم، مؤيد حرر يدينو و فتح تلفونو ودخل على الاستوديو ووراه صور لدعاء ، ملابسها محتشمة بس ما لابسة طرحة وبرضو فى صور ليها ولابرار، وهم خاتين الطرح فى اكتافهم،
بعدها فتح الواتس ودخل لمحادثة وهمية وفتح مقطع صوتي لابرار وهى بتسلم عليه وبتوريه انها جات م̷ـــِْن تركيا وكدة، صدام لما سمع المقطع الصوتى اتصدم، لَـگِنْ قال م حاستعجل اكيد دا ليه تفسير
بعد ما سمع المقطع رسلو فى تلفونو و رمى تلفون مؤيد على الحيطة وكسرها حتة حتة وجا علي مؤيد ضربو ضرررب فشّ غلو فِيَھ، المهم مرة باقي الًيَوُمًِ وهو تفكيرو فى المقطع الصوتى حق ابرار، لعند بالليل اتصل عليها واتونس معاها حتى قال ليها : انتى مؤيد دا قاعدة تتكلمى معاهو؟
ابرار:لالا نهائي
صدام:ولا مرة ما حصل اتكلمتى معاه؟
ابرار:نهائي ابدااا بس ليه؟
صدام: لالا ساي، وكملو باقي ونستهم
________________
نـًسّْيـت اوصف ليكم صدام🌚👋
"صدام لونو قمحى وشعرو كثيف وفيه شوية نعومة، وحواجبينو رفيعات وعندو وجنات لما يضحك بتظهر، ♥️ طويل لَـگِنْ م زى مهند ،، زول نظامى وكلامو موزون وعندو هيبتو وسط اهلو وزملاءو في الجامعة "
________________
اما ابرار فانا ما وصفتها ليكم بالقصد، خليت ليكم حرية تخيلها🤍🍂
__________________________________
يتــبع...
