Choices: The UWI Lecturer & the Politician's Son BOOK TWO

Chapter Seventeen: A day in Ana's Life

Malikai

The place hot and stink yuh fuck! Every man tek off them shirt and have on them marina and a fan wid...

Round twenty a wi inna di one cell and me end up stand up inna wah corna. Every twenty minutes or suh mi switch off wid a hombre name Leon, who come from Tivoli, twenty years old. In ya fi robbery. A good yute still, him just hungry, and based pon him reasoning, him have many mouths fi feed. Him get him girl pregnant when dem did inna sixth form and him did affi drop out fi go work a HGS call center and the pay neva ready suh him start scam and thief. Mi nuh wrong him... when life get tough, yuh affi get tuffa Mi grow rich, but fi some reason mi did always believe say my purpose was to help the less fortunate. First Ollie, then Scamma, then Sabrina, the whole A-Town...and in a different way, because she a mi everything, even Ana.

Mi nuh see miself leaving this cell without making sure Leon good.

"Yow, Mali, a just day three now and you look mash up mi G, like yuh wah likkle sun." Him laugh.

Mi look up pon him and shake head. Dem man ya use to dem type living ya. This come een like hell to pussyclaat. This shit is inhumane.

"My fam, yuh nah catch mi yasso twice a dat mi a tell yuh."

Him kiss him teeth, "bro, mi have a few more times ...cause my yute affi eat."

"Suh yuh feel?" Mi look pon the yute good and it's a pity him nuh know wah mi know.

"Evans!' Everybody head turn toward the

Cell grill, weh Officer Fuckman stand up a look dead pon mi. Him get the nickname after him did a hold mi up a deal wid me strong when Ana come see the other day. Mi neva wah loud him up in front a her, so mi mek it slide, but when we got to the cell him try fi spot check mi, a feel feel up man and a say him nuh know if Ana slip mi nuttn illegal. Suh mi go ask him if him fuck man and the whole cell start laugh and a ask di man if him fuck man fi true.

Dem laugh him to scorn and him try play tough like him neva phased, but I know a hurt bitch when I see one.

"Weh ya seh, Mista fuckman?" Mi chin up a look him inna him face fi him say weh him a say.

"Yuh bredjin them out,"

"Oh, awoe." I nodded, "That's good news."

"Suh yuh lawyer deh ya now." Him say begrudgingly. The bad mind deh inna di man throat to rass, yuh can hear it clear and strong.

"Yow, Leon, govan the seat inno bro."

"Like Andrew Holness himself, Mali!" Him skin off him teeth.

Mek mi go hear wah da lawyer ya a say.

Anashé

Jaxn and Capri deh ya wid me a watch Nikki and Klyne wid me. Mi nuh know how dem prank each other inna the same car every time and none out of the two a dem nuh pick up say dem a get prank as soon as the prank start. The math not mathing, but...dem funny and a dat wi need right now.

"Suh Nikki stop bleach?" Jaxn asked sounding lost as fuck. My head was in his lap, so mi can't see him confused but mi can imagine it, and it mek mi laugh.

"Since she have the baby she stop." Capri answered.

"Oh, mek sense." Jaxn sounded lost same way. Poor ting affi just watch weh wi want to watch.

Capri a run a boat. Curry chicken, steamed vegetables and likkle basmati rice. Mi glad di dem, glad dem deh ya wid me. Ollie come home two days ago, and gone pon tour a day later. Him and Capri fuck down the place as far as she say, suh she well content. Ollica deh daycare, too, suh she have a little time to herself and a me she a give it to. Jaxn find woman, and every two second yuh see him a send text and a look pon the phone fi a reply. Mi notice this from the other day...whoever she is, I hope she's the one. Hope she makes him happy.