قراءة ممتعة ✨
--------------------------
صرخت بوجع
ناردين: اخخخ
فجأة وكأنو استوعب عافني وركض لبرا وضليت وحدي اصارع بوجعي، نزلت دموعي بوجع ولازمة مكان الضربة تنزف بقوة، عضيت على شفتي كلها ثواني واغمى عليه ماحسيت بشي بعد
في مكان اخر
: مالكيتوا اي شي؟
: سيدي جهاز التعقب الي حطيته بملابسة اختفى اثرة اتوقع كشفنا
: شنو اخر مكان راح الة؟
: مكان الحادث نفسة سيدي
هزيت راسي بتوتر، فجأة دخل علينا واحد
: حددنا مكانهم سيدي، بس المكان كلش خطر بمنطقة ****
: حضروا سياراتكم بسرعة
_
ناردين
صار ضوة قوي بعيني غمضت عيوني بأنزعاج وفجأة صرخت من حسيت بشي لسع الجرح مالتي ونيت بوجع واني اشوف خيط القميص مجلب بالجرح مالتي حاولت اكوم ماكدرت سندت نفسي على الحايط وكمت بثقل الاصابة صايرة بنهاية خصري كمت بتعب وعاضة على شفتي بوجع، الالم احسو بكلبي مو بطني معدتي معصورة عصر من الجوع شفايفي متفطرة من العطش ماعرف شلون مقاومة التوت رجلي وكعت بالكاع نزلت دموعي بقهر من وضعي حاولت ارجع اكوم ماكدرت رجلي صارت توجعني حطيت ايدي السليمة بالكاع وجمعت شتات نفسي وكمت صرت ادك على الباب منهارة
ناردين: فتحوا الباب يااا خاي** ولد القن* كو**** افتحوا الله ياخذكم
ماجاني اي صوت شوية وحسيت صوت عياط بعيد شوي شوية كام يتقدم الصوت انفتح الباب وفات مستعجل
مُلهَم: احنا لازم نطلع منا
ناردين: عوفني
مُلهم: نارة مو وكت عنادج امشي وياي
ناردين: والله لو على كص ركبتي ماروح وياك رجعني لبيتنا
طلع سلاح من جيبو وجهو على راسي
مُلهَم: تمشين وياي لو لا؟
ناردين: كتلك عوفني ولي منا الله ياخذك كون بس تطلع مناا سيارة تسحكك تساويك وية الشارع يا كلب يا عار
كز على اسنانو بنفاذ صبر وكال
مُلهم: لج نارة مو وكتت عنادج امشي وياي
ناردين: ماروح
كلت هيج ماحس الة طلقة عبرت من فوك زندي وشالت الجلد كلة وكعت بالكاع منتهية من الالم وصرت ابجي اجة تقرب عليه حاول يشليني ضليت ادفع بيه بدون حيل وهوا كل شوية عايط بيه
مُلهَم: استسلمي وامشي وياي احسن ماتموتين هنا موتت الجلاب
أنت تقرأ
المَليح 611 ( قيد التعديل)
Romanceمُقدمة فـي إحدى البيوت العِراقية الحديثة هُناك فتاةً غامضة قليلة الكلام حادة المزاج تحب الموسيقى الصاخبة وتعشق اللون الاسود يُقال عَنها نرجسية وهَي تحب تِلك الصفة تَعشق كَونها محامية تُفرق بين الحق والباطل البَعض يكرهها بِسبب كَونها مغرورة قَلي...
