قراءة ممتعة ✨.
----------------------------
لهناك وفات المَليح توة رجع من الشغل باوعلي ونزل راسو وكعد على القنفة.
ريتا بس شافت الوضع اجتي اخذت الين مني وطلعت من الصالة
اجتمعنا احنا الـ3
مد ايدو بجيبو طلع الجكاير اخذ وحدة ورثها وصار يدخن
اتلبكت من نضراتو اخذت تلفوني وصرت اباوع بيه اشغل نفسي حتا ما اركز بيه
استقطعني صوتو
المَليح: اي نارة
سديت تلفوني وباوعتلو
المَليح: شنو ناوية تسوين
ناردين: اني راح استلم قضيتو
اخذ نفس وزفرو وضيق عيونو
المَليح: اي؟
ناردين: اي؟
المَليح: امممم، واصلج اكثر من تهديد ليش ما حچيتي؟
ناردين: مو مهم اني اتصرف
اتنرفز طفة الجكارة وكال
المَليح: وشلون راح تتصرفين حضرتج؟
باوعتلو ببرود وكلت
ناردين: تستهزء حضرتك؟
المَليح: لا ابد بس اريد اعرف شنو راح تسوين
ناردين: ادخلو اعدام
ابتسم باوعلي وكال
المَليح: مو صعبة عليج
بلعت ريكي شبيه هذا
المَليح: التسجيل
باوعتلو باستغراب وهوا استرسل كلامو
المَليح: شفت التسجيل بتلفونج دزيه الي
ناردين: ليش؟
المَليح: احتاجة
هزيت راسي بمعنى اي وفتحت تلفوني ودزيتو اله
فتح تلفونو وشغل التسجيل خلص التسجيل ولِيام باوعلي بفخر وكال
لِيام: ذيبة عمي ، نارة وشرار
ابتسمت ونزلت راسي
كام المَليح من مكانو اتقرب يمي وضرب على كتفي ضربات متتالية وطلع من الصالة
اتوترت اوضاعي عدلت شعري بسرعة ورجعت فتحت تلفوني وصرت اباوع بيه اسوي نفسي طبيعية
مرت الايام وبقيت اشتغل على قضية مُلهَم الوضع جان صعب بالنسبة الي خصوصاً الادلة جانت مو كلش هواي بس المَليح ساعدني هواي
أنت تقرأ
المَليح 611 ( قيد التعديل)
Romanceمُقدمة فـي إحدى البيوت العِراقية الحديثة هُناك فتاةً غامضة قليلة الكلام حادة المزاج تحب الموسيقى الصاخبة وتعشق اللون الاسود يُقال عَنها نرجسية وهَي تحب تِلك الصفة تَعشق كَونها محامية تُفرق بين الحق والباطل البَعض يكرهها بِسبب كَونها مغرورة قَلي...
