بقلمي موج الساعدي
قراءة ممتعة✨.
البارت الثامن والعشࢪون
......................................................................
ناردين
چنـت نايمة وفزيت على صوت تلفون لگيتها ام مُعاذ استغربت ورديت عليها سلمت علية ونوب گالت
ام رتيل:- عازمتچ على دولمـة تجين؟
ناردين:- شوكت؟
ام رتيل:- اليوم عيوني على الغدة ، وعزمت سيدرا هم فد شوية يجيبها لِيام
ناردين:- ميخالف عمري اجي منو موجود؟
ام رتيل:- ريتا هنا بَس بعد محد جاي
ناردين:- زين اجيب شي وياي؟
ام رتيل:- لا حبيبتي لاتعبين نفسچ بس تعاي
سديت التلفون وگمت شفت الساعة ب9 بعد وكت طبيت سبحت وسويت ريوگ گعدت ألين صايرة تحب النوم بشـكل واني فرحانة على هل شي لأن كل مانام هية هم تنام
غسلت وجها وديتها للمطبخ لگيتها صاعدة فوگ الميز ماتگعد على الكرسي مثل البشر
طلعت الحليب من الثلاجة وصبيت الها وسويتلهة لفة وبدت تاكل
گمت سويت گهوة شربتها وبديت انضف بالبيت وألين تفتر وراي وترش بالصوندة ماخلت شي ما بللتة خفت عليها تتمرض
سحبت الصوندة منها ودخلتها بالغرفة بقت تعيـط
طلعتها وخليتها هية تفتر وترش واني امشي وامسح وراها
تعبت حيل وهية متـرضة تذب الصوندة اني امسح هية ترجع ترش گعدت بالكاع هلكانة
انفتح الباب ودخل المَليح شاف وضعي ضل صافن
المَليح:- هاي شمسوية بالبيت
ناردين:- امشي اخذها وروح لابتلي بيها هسة
چان شايل بأيدة علاگة خلاها بالگاع واتقرب گدام ألين مدري شلون قنعها ذبت الصوندة راح سد البوري ودخلها جوا رجع طلع علية واني گاعدة بنص المي وشعري رافعتة لفوگ
المَليح:- شبيها
ناردين:- فتحت الصوندة اغسل البيت لو ابتليت على عمري ضلت مچلبة بيها اني امسح وهية ترجع تذب مي وارزلها ماتوب
المَليح:- ديـلا يا عيني على شنو حارگة دمچ هسة اني امسحة
باوعتلة وگلت
ناردين:- والله
أنت تقرأ
المَليح 611 ( قيد التعديل)
Romanceمُقدمة فـي إحدى البيوت العِراقية الحديثة هُناك فتاةً غامضة قليلة الكلام حادة المزاج تحب الموسيقى الصاخبة وتعشق اللون الاسود يُقال عَنها نرجسية وهَي تحب تِلك الصفة تَعشق كَونها محامية تُفرق بين الحق والباطل البَعض يكرهها بِسبب كَونها مغرورة قَلي...
