الكاتبة موج الساعدي
قراءة ممتعة✨
البارت الـ15
.............................
مرت فترة وضعي صار سيء ورجعت مثل قبل احلم بس هل مرة الاحلام كلها بخصوص الخطف مالتي عبالك توني استوعبت نفسيتي ادمرت صرت مانام اذا مابجي وماطلع على كد الدوام وارجع وقتي كله بغرفتي
تأذيت هواي وسحبت على الكل ماكمت احچي وية احد الياس يتصل علية وماجاوب واكثر من مرة اجتني سيدرا بس ماقبلت اشوفها
كمت احس نفسي أذيهم اذا بقيت يمهم لدرجة حتا الين خليتها يم ريتا
لو اكل باليوم وجبة وحدي تسند طولي لو ما اكل واربعة وعشرين ساعة صافنة حتا شغلي كمت ماركز بيه
اخذت اجازة من شغلي لمدة شهرين وبالكوه قبلوا بأول اسبوع اني كلة كاضيتة بفراشي احس الوجع متچي على ضلوعي ومهشمهم
وصلت لدرجة بس اتحرك شوية رجلي ترتخي وارجع اكعد
بعد فترة اندك الباب كمت فتحتة لكيت لِيام
لِيام: اريد احچي وياج شوية
هزيت راسي ودخلت وهوا وراية بقة الباب مفتوح
لِيام: تكدرين تجين ويانا للدكتور؟
باوعتلو مستغربة وكمل كلامو
لِيام: محمد بشغل بالبصرة وسيدرا حيل مريضة لذلك نروح سوية ماكدر اخذها وياي وحدي
هزيت راسي ابتسم وكال
لِيام: الساعة بـ5 اجي علـيج
هزيت براسي ورجعت اتمددت بفراشي وهوا طلع وسد الباب وراه
كمت بعد فترة جانت الساعة ب4 كمت سبحت ولبست فستان اوف وايت بيه ورد صغار لون احمر ولبست وياه حذاء كعب احمر وحطيت حاولت اخفي الهالات بالمكياج رغم ذلك بقة اثر صغير
حطيت عطر ورة فترة اندك الباب مالتي شلت جنطتي وطلعت لكيتو هوا
جانت سيدرا كاعدة لورة سلمت بهدوء وصعدت بالسيارة لما وصلنا للدكتور مثل مكال
دخلت للعيادة باوعت للافتة الموجودة جان مكتوب اسم الدكتور ويمة مكتوب دكتور نفسي.
حاولت اقنع نفسي البالي مو صحيح كعدنا بالانتظار شوية وصاحوا اسم
: ناردين احمد هاشم
بلعت ريكي وباوعتلهم نضراتهم كلها خوف مادري مني لو علية
بسرعة كمت من مكاني واجيت اطلع من العيادة لِيام بسرعة حضني من ضهري وسحبني علية وسيدرا صارت كدامي
لِيام: بس اسمـعيني
أنت تقرأ
المَليح 611 ( قيد التعديل)
Romanceمُقدمة فـي إحدى البيوت العِراقية الحديثة هُناك فتاةً غامضة قليلة الكلام حادة المزاج تحب الموسيقى الصاخبة وتعشق اللون الاسود يُقال عَنها نرجسية وهَي تحب تِلك الصفة تَعشق كَونها محامية تُفرق بين الحق والباطل البَعض يكرهها بِسبب كَونها مغرورة قَلي...
