قراءة ممتعة ✨.
----------------------
مسحت دمعتي قبل لاتنزل وردت اكوم ارجع بس جرني لحضنو وصار يمسد على شعري بحنية
لِيام: عيشي حياتج معليج بيه الدنيا متوكف عليه.
ناردين: اي، ان شاء الله
هز راسو وكال
لِيام: يلا اني راح اروح لتعيديها بعد
باوعتلو صفح معاجبني كلامو ضحك وراح اتنهدت ودخلت للبيت واول مطبيت لغرفة ريتا لزمتها من شعرها
ناردين: يا حية مو كتلج لتكولين لاحد؟ الواحد ميأمن يمج شي؟
ريتا: ونبي ماردت اكلة جان ديطب لغرفتي وسمع كلامنا وجبرني احجيلو
خزرتها وحليت ايدي اخذت ايلو وداطلع لزمت ايدي وكالت
ريتا: اسفة والله لاتزعلين مني
ابتسمت وكلت
ناردين: لتعيديها بعد
هزت راسها بقبول وحضنتني
ريتا: ادري بيج راح تروحين تسبحين بس اعتبري حضن صلح
هزيت راسي وعفتها ورجعت للبيت ولحسن حضي مجان موجود جدي وصلت للبيت ذبيت المفاتيح بهدوء واخذت ايلو ونومتها بفراشها طلعت سبحت فجأة جعت وعجبني اسوي دولمة بس تذكرت اني ماعرف رحت انمطلت على جربايتي ونمت ماكعدت لل1 بليل
كعدت مصدعة المشكلة باجر عندي دوام يعني يومي راح يخرب من بدايتو لنهايتو!
سويتلي لفة واكلت وراها اخذت براسيتول وكعدت بالحديقة فتحت تلفوني مستغربة واني الكة 4 اتصالات من رقم غريب دخلت على حسابو ولكيت دازلي رسايل
- اني الياس
- تكدرين باجر تجين للساحة؟
- شنو نايمة؟
اول مادخلت على الرسايل بسرعة صار نشط شوية وطلع عندي جار الكتابة
الياس: وينج عيني رسالتي خمرت من العصر دازلج
ضحكت مدري شكلة فزيت من اهتز تلفوني خليت سماعتي ورديت علية
اسمع صوتو يدنن باغنية ومدري شيسوي لان صوت طاوة ومدري شنو
ناردين: راح تطبخني؟
ضحك ضحكة عالية حسيت كل اهلة كعدوا
الياس: ضحكتيني، لا يابة داسوي بيض وطماطة
ناردين: بهل ليل؟
الياس: الجوع وما يفعل عاد
كمت للمطبخ طلعت الكهوة وبديت اسويلي كهوة باردة اجيت اكسر الثلج ماحس الة الجرح القديم انفتح وصار ينزف
أنت تقرأ
المَليح 611 ( قيد التعديل)
Romansaمُقدمة فـي إحدى البيوت العِراقية الحديثة هُناك فتاةً غامضة قليلة الكلام حادة المزاج تحب الموسيقى الصاخبة وتعشق اللون الاسود يُقال عَنها نرجسية وهَي تحب تِلك الصفة تَعشق كَونها محامية تُفرق بين الحق والباطل البَعض يكرهها بِسبب كَونها مغرورة قَلي...
