قراءة ممتعة ✨.
.
-----------------------
اباوع على الحايط وفكري شارد يعني هاهية؟ ماتوا؟ بعد ماشوف ضحكتها الحلوة؟ ولا راح اشوف مشاكل احمد وخولة كل يومية؟ خسرتهم هاهية؟ هذا اليوم الرابع على موتهم ولهسة مامستوعبة كمت بتعب رحت للمطبخ شربت مي واني دارجع لغرفتي سمعت صوت بجيها، اتنهدت ودخلت للغرفة والكاها نايمة على فرشتها وتبجي منهارة بلعت ريكي وضليت واكفة بمكاني اباوع عليها باوعت علية وكالت
خولة: تعاي
اتقربت بتردد وكفت مسافة عنها ضلت تعتذر عن اسائتها اليه واني على وكفتي اباوعلهة ودموعي تنزل
ناردين: عادي احضنج؟بس مرة وحدة؟
هزت راسها وسحبتني لحضنها تبوس براسي بقيت ابجي بقهر وحاضنتها قوي
طلعت من البيت منهارة بديت اسوق واني ماعرف وين اروح مشيت مكان عام نوب بديت ادخل بالافرع واني ماندل شيء اتصلت على سيدرا
ناردين: شكو جاية؟
سدته بوجهي بدون مترد اصلاً اتنهدت وكعدت على طابوكة وضليت انتظرها ورا فترة طبكت سيارتها نزلت منها وركضتلي بخوف: بيج شي؟
ضحكت بتعب
ناردين: ههه مادري
سيدرا: تخبلتي؟ بعدين شنو تمسلتين على التلفون؟
نزلت راسي واردفت بحزن
ناردين: ماريا ماتت
فتحت عيونها بصدمة: شنوو؟؟؟
كعدت على الرصيف حيلي مهدود
ناردين: شنو اسوي هسة ماتت وما اخذت حقها منو راح يكوللها المشاكل انحلت واهلنا اتقبلوا الفكرة تدرين حتا كبرها ما اندلة اريد اروحلها احس محتاجتها راحت وعافتلي امانة مو كدها اني
سيدرا: وبنتها؟
ناردين: يم خولة عفتها
كامت تبچي واني بس اباوعلها بضياع، دك تلفوني رديت اخذلو فترة يلا حچة: شلونج؟
ناردين: انتَ شلونك؟
لِيام: هه شلوني؟مو مهم وين البنيه؟
ناردين: يا بنية؟
اردف بغصة: بنتها
ناردين: ببيتنا
لِيام: ليش انتي وين؟
ناردين: بـ****
لِيام: جايچ
ناردين: انتظرك
أنت تقرأ
المَليح 611 ( قيد التعديل)
Romanceمُقدمة فـي إحدى البيوت العِراقية الحديثة هُناك فتاةً غامضة قليلة الكلام حادة المزاج تحب الموسيقى الصاخبة وتعشق اللون الاسود يُقال عَنها نرجسية وهَي تحب تِلك الصفة تَعشق كَونها محامية تُفرق بين الحق والباطل البَعض يكرهها بِسبب كَونها مغرورة قَلي...
