الكاتبة موج الساعدي
قراءة ممتعة ✨
البارت الـ18
.....................
" نـاردين..
گعدت من النوم راسي يوجعني باوعت للساعة ضليت مصدومة نايمة هلكد!
طلعت من غرفتي البيت كلة هدوء كلهم نايمين رحت غسلت وجهي وشربت مي سمعت اصوات بالحديقة عرفتو المَليح ما اهتميت وفتحت الثلاجة طلعت بيض وطماطة وكمت اسـوي
كملت وكل عادة طلعت للحديقة اكل جان بالة شارد ما انتبهلي الا من وصلت يمو كعدت وكتلو
ناردين: تاكل؟
هز راسة بتعب وكال
المَليح: لا بالعافـية
هزيت راسي وبديت اكل واباوع بتلفوني لمحتو يباوعلي من انتبه الي نزل عينو
حمحم وحچة بصوت متشحرج
المَليح: الف مبـروك
باوعتلو وكلت
ناردين: الله يبارك بيـك ، شُكراً
هز راسو وفتح الجكارة وبدة يدخن
ضليت اكل ومتوترة من وضعو حسيتو هواي تَـعبان اكثر من الايام الفاتت وية كل تنهيدة ينكسر كلبي كوة اجبر نفسي ما اباعلو
كملت اكلي وكمت اودي الصينية استوقفني صوتو
المَليح: تحبيه؟
ضغطت على ايدي قوي انداريت عليه وحچيت بأبتسامة
ناردين: حتلو ما احبو بس مقتنعة قراري صح وهوة الشخص المناسب
بلع ريكو هز راسو وكال
المَليح: سويلي چاي بلا زحمة عليج
هزيت راسي واتوجهت للمطبخ حطيت الصينية على الميز واستندت على الحايط احاول اخفي رجفتي
اخذت المواعين غسلتهم وسويت جاي انتظرتو يهدر على النار وكعدت على الكرسي احس رجلي ما تحملني
كمل صبيتلو واخذتو الة
المَليح: تسلمين
ناردين: عوافي
رجعت لغرفتي اباوع بتلفوني شوية وصلـني مسج من الياس
: گاعدة؟
ناردين: اي ، شلونك؟
الياس: بخير حبيبي انتِ شلونج
ناردين: زينة ، شو مـختفي؟
الياس: اشتاقيتِ الي؟
ضليت صافنة بالمحادثة شوية ودزلي ايموجيات ضحك
الياس: چان عندي شغل هواي هسة اتفرغت وكلت احاچيج مشتاقلج هواي
أنت تقرأ
المَليح 611 ( قيد التعديل)
Romanceمُقدمة فـي إحدى البيوت العِراقية الحديثة هُناك فتاةً غامضة قليلة الكلام حادة المزاج تحب الموسيقى الصاخبة وتعشق اللون الاسود يُقال عَنها نرجسية وهَي تحب تِلك الصفة تَعشق كَونها محامية تُفرق بين الحق والباطل البَعض يكرهها بِسبب كَونها مغرورة قَلي...
