سيف بفرحة :انا مبسوط مبسوط قوي
نقاء :وايه سر الفرحة دي يا قلب نقاء
سيف :مش هتزعلي
نقاء هزت دماغها بلأ
سيف :بابا النهاردة بعتلي صورة وقالي انه هيجي قريب ويجيب اخواتي معاه
نقاء فتحت عينيها بصدمة معقول امير اتجوز من تاني
ريم بصدمة :وريني كده يا سيف
سيف فتح الانستجرام ويا اللهي فعلا هي نفسها صفحة الامير المقفولة من سنين وده امير ومعاه طفلين توائم في ايده
ريم بصت لنقاء الي دموعها بتنزل بصمت على خدها
سيف بامتعاض:في ايه يا ماما بس بتعيطي ليه
ريم :سيف يا حبيبي مامي بطنها واجعاها شوية ادخل اوضتك نام وبكرة نتكلم
سيف بغيظ :امال دكاترة على ايه ودايما كده بطنها واجعاها
ريم :ههههه خش يله من غير طولت لسان
سيف دخل وريم قعدت قدام نقاء :انسي يا نقاء وشوفي حياتك زي ما هو شاف حياته
نقاء بدموع وقهر :نفسي اشوفه نفسي اشوفه يا ريم واسأله ليه ليه عمل فيا كده انا قصرت معاه بأيه ايوه انا عارفة ان المشفى دي كانت كل حياته لكن هي كانت ناجحة بأدارتنا احنا لاتنين واهو لما بقت ملكه بقت كأنها خراب
ليه نفسي اسأله ليه يوهمني بالحب والمشاعر ليه يديني الاهتمام ويسحب كل ده مني مرة واحدة
وبدموع عارفة يعني ايه جوزك ياخد منك كل حاجة بتملكيها ويهرب ويبعتلك ورقة طلاقك
وبقهر عارفة يعني ايه يكون عارف انه عنده ولد مني بذرة حبنا سيف وما فكرش لو حتى مرة يجي ويشوفه
انا جوايا جرح كبير قوي يا ريم من ثمان سنين بحاول اجمله وبالعكس انا بشوهه اكتر واكتر
انتي كنتي شاهدة على قصتنا انا عمري اذيته عمري قصرت معاه لا بالعكس انتوا الي كنتوا بتحذروني منه وانا مداياه امان كامل
وبدموع بابا ما كانش بيرتاحله خالص كان بيقولي امير بيمنعك من كل حاجة بتحبيها
وحطت كفوفها على وشها وعيطت جامد
ريم حضنتها :انا مش عارف اقولك ايه لانه مفيش كلام يتقال منه لربنا هو هيعرف يجازيه على الي عمله وانتي عيشي حياتك وانجحي وربي ابنك وانسيه ما تفكريش تاني فيه
وحتى لو شفتيه في يوم وگأنك عمرك ما عرفتيه يا نقاء
نقاء مسحت دموعها ووقفت :انا هدخل استريح يا ريم معلش البيت بيتك
ريم بغيظ :ربنا ينكد عليك يا امير الزفت وانا الي قولت هنسهر للصبح النهاردة
نقاء ابتسمت بود :ربنا يخليكي ليا يا ريم
ريم بغيظ :ادخلي يا اختي انا هنام هنا على الكنبة
نقاء :ههههه ليه محسساني انك جوزي واني مانعه من حقه الشرعي ما تنامي عالكنبة ولا في اي حتة وانا مالي
أنت تقرأ
عودة الجاحد
Misterio / Suspensoأمير من اكبر دكاترة التجميل في الشرق الاوسط حياته معاناة منذ الصغر لا يعرف الخسارة ابدا جميل الى درجة الهلاك جماله سبب في بقائه وهي نقاء اسم على مسمى نقية كالماء جميلة كالسماء لوحة ابدعها وصورها الخالق تعمل طبيبة تجميل ما رأي القدر عندما يقع الامي...
