عودة الجاحد

الجزء السابع

سهم بص للدكتورة :اتكلمي يا دكتورة قلقتيني

اطلس:ايه الي بيحصل هنا ايه الصوت ده 

الدكتورة باستغراب ،:اناةمش عارفة اقول ايه الصراحة

اطلس :هو في ايه

سهم بغضب وصراخ وقلق:ما تتكلمي يا دكتورة ريم فيها ايه

الدكتورة والصدمة لسه على وشها :الدكتورة ريم حامل

نقاء حطت ايدها على بوقها بصدمة ورجعت لورى كانت هتوقع لكن ايدين اطلس حاوطوها

سهم اتصدم ومعرفش يتكلم ولا ينطق حتى

نقاء تداركت الوضع وانها دلوقت بين ايدين اطلس

بعدت عنه بسرعة وهو ملتزم الصمت

نقاء :مستحيل يا دكتورة اكيد في حاجة غلط مستحيل ريم تغلط

الدكتورة :ده الي حصل يا نقاء الدكتورة ريم حامل

سهم بأنفاس متسارعة :بقالها قد ايه

الدكتورة :شهرين حامل في شهرين وبصت لريم بأسف
الف سلامة عليها وخرجت

نقاء بصت لسهم الي ملامحه مشدوهه :سهم اوعى تصدق عنها حاجة زي دي اكيد في حاجة غلط ريم ما تعملش كده

سهم سابهم وخرج وهو متجنن من نفسه واطلس حصله

سهم خبط الكرسي برجله :ااااااه

اطلس :اهدا يخرب بيتك

سهم :انا السبب انا السبب يا اطلس كل الي حصلها ده بسببي

اطلس بعدم فهم وصدمة  :تقصد ان انت الي

سهم بغضب من نفسه :ايوه انا انا ابو الي ببطنها انا وريم كنا متجوزين عرفي من فترة قبل ما تنزل البلد وكان طبعا بالسر من غير ما حد يعرف خالص ولا حتى نقاء

اطلس زقه بغضب :وانت ازاي تتجوزها بالسر كده مش على اساس بتحبها ازاي تعمل فيها كده

سهم بألم وقهر : ما كنتش قادر على بعدها وكنا خلاص هنعلن جوازنا جت ريتا وهددتني يا اتجوزها يا هتتكلم
غصب عني قطعت علاقتي بريم لمصلحتها وابتديت اعاملها ببرود وكانت القاضية ما بينا لما اتجوزت ريتا افتكرت اني كنت بضحك عليها وابتدت تعاملني زي ما بتشوف ولا كانها في يوم نامت في حضني ولا كأنها تعرفي مجرد زمالة فقط لا غير

اطلس بغضب :غبي غبي اتجوز ريتا لكن مش بالطريقة الي تجرح دي

سهم زفر بغضب :انا مش عارف اعمل ايه دلوقت

اطلس :هي بقى فيها عمل انت لازم تتجوزها ده ابنك الي ببطنها يا بني ادم
كده سمعت البنت هتبقى في الطين بسببك وبسبب انانيتك

سهم مسح على شعره بغضب :مش عارف مش عارف حاسس اني متربط دلوقت مش قادر افكر

.................................................
عند ريم
فضلت  نقاء جنبها لحد ما فاقت
نقاء :ريم انتي كويسة في حاجة وجعاكي