عودة الجاحد

الجزء العشرين

ريم :انت واخدني فين ده مش طريق البيت

سهم كمل طريقة

ريم بخوف :انت واخدني فين

ريتا بمكر :رايحين الڤيلا بتاعنا ده طريقها

سهم بص لريم بطرف عينيه الي الذعر تملك منها

ريم بقلق :وانا ليه اروح الڤيلا وبصت لسهم بقلق ورجاء سهم هو في ايه

سهم ما قدرش يستحمل نضراتها دي :هوصل ريتا وبعدين هوصلك

ريم زفرت بأرتياح

ريتا بغضب :يعني ايه انت عارف اننا عازمين ناس عالعشاء هتوصلها ازاي بس خليها تستنى مش هناكلها

سهم بغضب مكتوم :قولتلك وطي صوتك قبل ما ييجوا ضيوفك هكون موجود

وركن العربية
وصلنا انزلي

ريتا بصتله بغضب وتهديد : هي ساعة بالكتير وتكون هنا ونزلت وخبطت الباب جامد وراها

ريم طنشتهم خالص وفضلت زي ما هي لكن استغربت انه مش بيمشي
ريم :في ايه ما تمشي
سهم بأمر : تعالي اقعدي جنبي

ريم :انا مرتاحة كده كمل طريقك

سهم :انا مش بسألك دلوقت

ريم عرفت انه عايز يعمل مشكلة نزلت بأختصار وركبت قدام

سهم شغل ومشي

سهم :ريم

ريم وهي على وضعها :اممم

سهم زفر بنفاذ صبر من اسلوبها : هنروح بيتنا مش بيت نقاء

ريم بصتله بغضب واتخلت عن البرود الي متقمصاه :قولتلك مش هدوس البيت ده من تاني ولو اجبرتني والله لاقتل نفسي واقتل الي ببطني انا مش جارية عندك

سهم بغضب وصوت عالي نسبيا على شان يسكتها :مش البيت ده انا شريتلك بيت تاني اهدي بقى

ريم باستغراب :بيت ايه ده

سهم :بيت قريب من المشفى جدا عشان ما تتعبيش ويكون شغلك قريب منك

ريم :لكن انا مش عايزة اروح في حتة انا مرتاحة كده
سهم بصلها بغضب :لتاني مرة بقولك انا دلوقت مش بسألك انتي مراتي والمفروض تكوني في بيتي

ريم عرفت انه العصبية ما تجيش معاه:ارجوك انا مرتاحة كده ارجوك

سهم طنش اسلوب الرجاء الي بيحرك قلبه ونبضاته :ابتداء من النهاردة هيكون يوم ليكي ويوم لريتا
وركن العربية قدام البيت وبصلها يعني من النهاردة انتي مراتي وقدام الكل ولو على عيلتك انا ضربتلهم وفهمتهم جوازنا مشي ازاي ده على شان ما تتحججيش فيهم

ريم بصدمة :انت قولت لبابا اننا اتجوزنا

سهم رفع حاجبه :ايوه ليه كنتي عايزانا نخبي لامتى يعني لحد ما بطنك تبان والعالم تلسن