عودة الجاحد

الجزء الثالث والعشرين

اطلس اغلق اللاب بتاعه وخد ملاية ومدد على الكنبة
اطلس :تصبحي على خير يا نقاء

نقاء 🤨 وشدت شعرها بصرخه مكتومه

نقاء :لا انا اديلك الخبر دلوقت بقى عشان تتعصب بدل ام البرود الي عايشه ده

نقاء:اطلس

اطلس من غير ما يبصلها :امممم

نقاء بحزم : عشان ما اكونش بخبي عليك حاجة يعني لانه الحاجة دي تخصك انا حجزت موعد عن النسائية هنزل البيبي

اطلس رفع حاجبه وبصلها بطرف عينه وحاول يستمر بالهدوء بتاعه : الساعة كام

نقاء بعدم فهم :مش فاهمة

اطلس من غير ما يبصلها :اي ساعة الموعد بتاعك

نقاء بغيظ : يعني انت موافق

اطلس زفر بنفاذ صبر :تصبحي على خير يا نقاء

نقاء بغيظ وجنان : انت ايه البرود الي متقمصه ببراعة ده

اطلس بصلها بغضب :مش هتهدي بقى من الصبح وانا مستحمل جنانك ده لحد ما خلاص هجيب اخري منك اهدي بقى خلي الليلة الي مش بتخلص دي تعدي على خير
وبتحذير لغاية ما الصبح يطلع مش عايز اسمع صوتك خالص فاهمة وبصراخ فاهمة

نقاء هزت دماغها بآه زيها زي الكتكوت المبلول ونامت وغطت نفسها بالملاية بالكامل

اطلس زفر كل النفس الي جواه ونام وهو متعصب :اول مرة اعرف المتجوزين ليه بقولوا عن الجواز نكد اوي كده مهو من الي بيشوفوه جاتكم القرف اوف بس
وغط بنوم سريع من التعب

........................................................
في الصباح
عند ريم فاقت وخدت شاور ولبست طقم رسمي ابيض واكتفت بفرد شعرها على كتفها وخرجت كان سهم نايم على الكنبة
ريم فضلت متأملاه بصمت لحد ما حست انه هيصحى خلاص راحت ناحية المطبخ تعمل قهوة

جه سهم من وراها :صباح الخير

ريم من غير ما تبصله :صباح النور تشرب قهوة

سهم رفع حاجبه :ما انتي عارفة اني ما بحبهاش

ريم ببرود :براحتك

سهم :اهاا لا يبقى نشرب بما انه براحتي اهو احسن من مفيش

ريم مدتله فنجان :اتفضل

سهم خده منها وحطه على الطاولة لكن بأيده التانية مسك وسطها وقربها منه

ريم حاولت تبعد :لو سمحت يا سهم

سهم بص في عينيها بتعب: عقابك ليا صعب قوي مقدرش ابعد عنك يا ريم في بيتي وبعيدة عني كتير قوي مش هستحمل

ريم حاولت تبعده :لو سمحت يا سهم انا تعبانة ومش قادرة اجادل على الصبح ومش عايزة مشاكل ارجوك عايزة اعيش بسلام