عودة الجاحد

الجزء الثاني عشر

سهم بعد ما خرجوا بص لريتا بغضب : تخرجي من هنا مش عايز اشوف وشك وورقة طلاقك هتوصلك بكرة

ليلى بغضب :ايه الي بتقوله ده عايز تطلق ريتا على شان وحده زي دي انت اكييد اتجننت

ريتا قعدت ببرود واستفزاز :سيبيه يا طنط هو دلوقت متعصب وبصت لاطلس هو عارف انه ما يقدرش يستغنى عني خالص ولا ايه يا دكتور

سهم بغضب : ولا ايه يا ريتا كملي

ريتا بلا مبالاة : الي فهمته
اطلس حط ايده على كتف سهم :اهدا اهدا دلوقت جه الوقت صدقني الي هنتقم منهم كلهم

ليلى:انتوا بتقولوا ايه علوا صوتكم كده

سهم :بقول هترجعي امتى

ليلى :مش هرجع انا قولتلك هصفي كل حاجة واستقر هنا وفي بيتك ولا تكون مش عايزني لا سمح الله

ريتا :لا ازاي تنوري يا طنط

سهم بغضب :كنت ناقص خنقة لاني

سيف لاطلس :انت بقى كنت عايش فين

اطلس تدنى لمستواه :طول عمري عايش بره البلد في اميركا وقرصه من خده لو اعرف ان البلد فيها صحاب حلوة زيك كنت جيتلك من زمان

سيف قرب من ودنه :انت كنت بتتخانق مع ماما ليه

اطلس :ههههه هاخدك نتغدى سوى ونتكلم براحتنا

سيف :يبقى معجب فيها

اطلس رفع حاجبه :نعم يله انت عندك كم سنة

سيف بسخرية : ثمانية مش عاجبك ولا ايه

اطلس :اممممم لا ازاي انت والي خلفتك على دماغي من فوق

اطلس مسك ايده وبص لسهم انا هروح سيف يا سهم وراجعلك

سهم اومأله بدماغه
خرج اطلس وسهم بص لوالدته ولريتا :عايز لو سمحتوا اخرجوا بره الاوضة

ريتا بغيظ :شايفة يا طنط بيعاملني ازاي وكأني عدوته مش مراته

سهم طنشها وغمض عينيه بتعب

.......................................................
عند نقاء جريت ورى ريم
نقاء :يا بنتي اتهدي بقالي ساعة بجري وراكي

ريم بقهر :مش عايزة اتكلم ارجوكي يا نقاء مش عايزة اتكلم عايزة افضل لوحدي

نقاء :حاسة فيكي يا ريم والله حاسة فيكي وعارف انه الي عديتي فيه محدش يقدر يستحمله لكن انتي دلوقت بأمر واقع فيه طفل ولازم لما يتولد يكون ليه اب ما تكرريش الي حصلي يا ريم
شوفتي انا عشت ايه ببعد امير عني وانا حامل وكلام الناس ما بيرحمش وكل واحد يألف عليا حاجة وده كله وانا متجوزة بس لمجرد انه جوزي بعد عني
ما بالك انتي لحد دلوقت محدش يعرف انك اتجوزتي اصلا لا وحامل يا حبيبي على الحوارات والروايات الي هتتألف عليكي وعلى الي ببطنك ولا اهلك
على شان كده بقولك خدي بالك من نفسك وفكري بعقل يا ريم فكري بعقل قبل ما تتضرفي اي تصرف غبي