Unicode
ရယ်သံတို့နဲ့ပြည့်နှက်နေတဲ့ အခန်းလေး..။
ဖူးငုံနဲ့ကိုကိုက ကြမ်းပြင်မှာထိုင်ကာဆိုဖာကိုမှီထားကြရင်း စားပွဲပေါ်တင်ထားတဲ့ laptop ထဲကဓာတ်ပုံတွေကြည့်နေကြသည်။
"ဒီမယ် ဒီမယ်တွေ့လား ခြေကားယားလက်ကားယားနဲ့အိပ်နေတာ... ကိုကို့မှာဖုန်းပါမလာလို့ အောက်ကိုတစ်ခါပြေးဆင်းပြီး ဖုန်းသွားယူရသေးတယ်"
"အဲ့ကိုကိုကအကျင့်ပုတ်တယ်တော့... သူများအိပ်နေတာကိုခိုးရိုက်ထားတယ်"
"ဟား ဟား ဟား.. ယုံပြီလား"
"အဲ့တုန်းကပင်ပန်းလို့ပါဆို... ခုဘယ်မှာအဲ့လိုအိပ်လို့လဲ... မနက်လင်းလို့နိုးလာတိုင်း ကိုကို့ရင်ခွင်ထဲမှာညကအတိုင်းလေးပဲ"
"အဲ့တာ ကိုကိုကပူကြူးမနိုးခင်အရင်နိုးလာပြီးဆွဲဖက်ထားလို့လေ"
"မဟုတ်ပါဘူး"
"ကဲ မယုံပြန်ဘူး... နောက်နေ့video ရိုက်ထားမယ် ကိုကို့မှာညညဆိုအကန်ခံနေရတာ ဘယ်နေ့ကုတင်ပေါ်ကပြုတ်ကျမလဲမသိဘူး... အိပ်ရေးတွေကိုပျက်လို့ တစ်ပတ်ရှိသေးတာကိုလူကတော်တော်ဂါနေပြီ"
"ဘယ်သူကအိပ်ခိုင်းနေလို့လဲ.. ကိုယ့်ဘာသာကိုယ်အိပ်ပေါ့"
"မအိပ်ပါဘူး... အကန်ခံပြီးတော့ကိုအိပ်ချင်တာ"
ပြောရင်း ဖူးငုံပါးကိုနစ်ဝင်မတတ်နမ်းလိုက်တာကြောင့် ရယ်လိုက်ရင်း ကိုကို့ပါးကိုလည်းအလားတူပင်ပြန်နမ်းလိုက်သည်။
ဟိုတစ်နေ့ကဖူးငုံအိပ်နေတဲ့ပုံကိုပြမယ်ဆိုကာပြရင်းနဲ့ အရင်ကပုံလေးတွေကိုပါပြန်ကြည့်ဖြစ်ကြသည်။ ဖလင်နဲ့ရိုက်တဲ့ခေတ်မဟုတ်တော့ပဲ ဖုန်းနဲ့အားတိုင်းရိုက်တတ်တဲ့ခေတ်ဖြစ်တာမို့ ရိုက်ဖို့လွယ်သလိုပျောက်ပျက်ဖို့လည်းလွယ်ပေမယ့် စနစ်ကျလွန်းတဲ့ ကိုကိုက တစ်ချိန်ကျရင်ပြန်ကြည့်လို့ရအောင်ဆိုကာ laptopနဲ့hard diskတစ်ခုစီမှာ ဓာတ်ပုံတွေကိုသူ့folder နဲ့သူ စနစ်တကျခွဲထားတာမို့ ကိုကို့ဆီမှာဖူးငုံတို့ရဲ့အမှတ်တရဓာတ်ပုံတွေတစ်ခုမကျန်ရှိလေသည်။
"ဒါဘယ်တုန်းကပါလိမ့်"
"ဒါ ပူကြူးဒုတိယနှစ်လေ"
DU LIEST GERADE
ရင်မှာအရင်တိုင်း
Romantikလွတ်လပ်ပျော်ရွှင်ဖို့ကောင်းတဲ့ဆယ်ကျော်သက်အရွယ်ကျောင်းသားဘဝမှာ ရင်ခုန်ဖွယ်ရာအချစ်ကိုတွေ့ရှိခဲ့ကြတဲ့သူတွေအများကြီးရှိခဲ့တယ် ဒီထဲမှာမှ အချို့လူတွေက အဲ့အချစ်တွေကို တစ်ဘဝလုံးစာယူဆောင်သွားနိုင်ခဲ့ကြပြီး အချို့ကတော့လမ်းတစ်ဝက်မှာတင် လွှတ်ချထားခဲ့ကြတယ် ဒီလို...