توأم دياب

الذَئـــب"10"

Writer/Tena
تــيــنــه 🐺♥️
لا تنسون التصوويت ،ومتابعه حسابي عُمري

لماذا حلّ الضلام ؟
لأننا نبتعد عن النجاة .
_

__________________________________

بهالاثناء سمعنه صوت طفل يصيح وهوه يدگ بالباب :خالة أُم دياب لحگوو ؏ بيت اخوج احترگ .

باوعنه البعض بـ صدمة، گمنة مخبوصين ما نعرف شنسوي أُمي طلعت من غرفتها تركض وتصيح هرجت الدنيا بصياحها ،دِياب أخذ طفايه الحريق و ࢪاح يرگض ...

طلعت أُمي وراه وهيَ تحجي وياي بأستعجال : قفلي البيت ولا تطلعين ابد حتى لْـو تأخرنه ولا تفتحين الباب لو يتكسر الا تسمعين صوتنه .

هزيت راسي طلعت أُمي شويه ورجعت صرخت عليَ ...
مياده ;- رُبااااااان الباب ما ينفتح ألاي مخلوق غيرناااا فاهمه ؟
رُبان ;- شبيچ يُمه يعني ألمن افتحه لغيركم ؟
طلعت قبل لا أكمل كلامي ،طلعت وراها قفلت البيبان ودخلت ، ضليت أفكر بيهم وادعي من الله كون كلهم سالمين ما بيدي شي غير الدعاء الهم ...

أسمع سيارات الاطفاء عبرت من يم بابنة، زادتني خوف وقلق ،بقيت افتر مثل الحبله اروح وارجع بالصالة وعيني ؏ الساعة صارت نص سَـاعــه وعبرت الساعة وماكو خبر ...

گعدت بـ الأرض صافنه ومن گد التوتر أكلت نص اضافيري ،فزيت من صفنتي ؏ صوت قفل باب السطح أنفتح !
گمت من مكاني ميته خوف شلون أنفتح ؟!
أسمع صوت مشي أقدام ؏ الدرچ تنزل بايه بايه .....
من الخوف اتشنچ كل جسمي لزمت بالحايط وامشي رحت ركض لغرفه أُمي بلا ما اطلع أي صوت دخلت وقفلت الباب وآنه ارچف خوف ودموعي تنزل ؏ خدي
أجه ؏ بالي حراميه گلبي يدك حيل بصدري وحابسه حتى النفس خاف يحسون عليَ ولساني يلهچ بذكر الله .
منو ممكن يدخل بيتنا ؟؟؟
صار البيت هدوء گمت ؏ كيف أمشي مثل دبيب النمل وگفت يم باب الغرفه ردت أفتح الباب ، وتوقفت من اجاني صوت موسيقى ما اعرف شنو ...

في قصص الشعوب .. في قصص الشعوب
طرائفٌ لا تنتهي
وعالمٌ حلوً بهي
يسكنُ في القلوب ..في قصص الشعوب
من كُلِ بلادِ الدُنيا
مِن كُلِ بقاعِ ألارض
قصصٍ شتى
تُروى حتى
نعرف أحوال ألانسان ..
ولكُل هُنا جيران
فـ أذا زرناهم بالصوره
في أحلا دُنيا مسحوره
كي نتسلى
صرنا أهلا .

أنعادت مرتين وآنه واقفه استمع للكلمات، أحاول اعرف شنو معناها واعرف اكو شخص يعرفنا حق المعرفه بالبيت لأن ما معقول شخص غريب يدخل بيت ناس غربه ويشغل اشياء بيه !