توأم دياب

الذَئـــب"19"

Writer/Tena
تــيــنــه 🐺🔥
لَا تـنسون التـصويت ، وتعليقاتكم الحلوى عُـمري ♥️
tena__muslim
Insta:tena_muslim

بَعد بيّه حِزن ينكتِب مَاينشاف

حِزن محَد أظَن شافهَ، حِزن شَفاف
وتعّب مستوطِن برُوحي متلفّلف
عليَّه لفَاف حِزن مثل اللّٰه مَاينشاف

___________________________________

التفت عليهم نص التفاته وحچيت بـ فخر

مياده ;- لا تنسون آنه الشاهـيـنه بنت أبوي مو سهله وأنصاد .

طلـعت من يمهم وبس صوت رنـة كعبي يضرب بـ الأرض ، أشكالهم تتلاطم والصدمه هذيچ هيَ مبينه من فهاوة وجوههم ، أبتسمت أبتسامه جانبـيه وگلبي ممرود بس هذي وصيـة أُمي وأنـا گدهـا وراح اصون أمانتهم وتعبهم بـ أفضل شي .

أشرلـي ريسان على الباب مشيت بـ أتجاهه أيده فتحلي الباب وصعدت ..

رفعت لـ چامه لكن توقفت وبقى مفتوح ربع منها لمن شفت حامد طلع شايط ويصيح بـ الشارع هرچنه ...

_ هذههههههه حقنههههههه أحنىىىى مو ألـججچ

عفته يعربد بـ راحته وآنه فقط مُستمعه ومرسومه أبتسامه مُستفزه على ثغري ، حطيت أيدي على زر الچامه وحچيت بحقد ...

;- من حفر حُفرةٍ لـ أخيه وقع فيها .

صعدت الچامه ومشى ريسان السيارة ، عيني صارت على المرايا الاماميه وطاحت مني دمعة أنسانـه مكسوره من كُـل جزء بـ داخلها .

رُبان ...
نايـمـه بـ فراشي الي كُله دفو هواي أفكار تتراود بعقلي ، عيني على الساعـة احسب دقيقـه دقيقـه لچية أُمي مثل الطفل
متحمسه الابعد حدود شوكت توصل وأحضنها حيل وأحچيلها عن الأيام الصعبه الي مرينا بيها وأتجاوزناها بقوتنه .

عِـندي طاقه مو طبيعيه لـ درجه عندي استعداد أشيـل البيت كُله على راسي !

گمت وكُلي هِمه وطاقـه بديت بـ تنضيف البيت من فوگ لـ جوى ودياب ومحمد لازم يحطون أيدهم ويايه

عطرنا البيت وبخرناه وبعدها رحت للمطبخ محتاره شنو أطبخ لأن معرفتي قليله بالطبخ ، سمعت صوت وراي فززني

محمد ;- صارلج ساعه صافنه بالچدوره شني تاخذيلهم خيره ؟

أبتسمت بـ خفه وحچيت
;- شنو أطبخ ؟

;- صخام حامد آنه شمعرفني يا خيتي .

اشرتله على الباب براسي وحجيت
;- أگلگ روح عني لا تشوش معلوماتي .

هز أيده ودار وجهه يمشي ويحچي بـ تعچب
;- عوذه مو طبخ ليگول داخله أمتحان وزاري .

رچعت درت ضهري ورجعت لصفنتي وكلمتي شنو أطبخ ؟!
حرفيًا أحس نفسي ضايعه بلا أُمي وما اعرف أتصرف أي شي وكُلشي يطير من عقلي .