توأم دياب

الذَئـــب"14"

Writer/Tena
تـــيــنــه 🐺🔥
لا تنسون التصويت عُمري والتعليق بين الفقرات ..

إلـى متى
فـ أنني أتهدم وأنا بربيع شبابي

____________________________________

رحت بهدوء فتحت الباب بسرعه وانصدم بـ أُمي موجوده على الچربايه وعاريه تماماً ، وجسمها كُله اثار تعذيب وچويات ..

اتشخصت عيني على كُل جزء بـ جسمها ، ومن هول الصدمه الساني انربط والكلام ضاع مَني
عيني رافضه الي چاي تشوفه ، وعقلي يرسلي ايعازات حامله كلمه "مُستحيل "

عيوني تتحرك ويا أيدها الي چانت اتحط مَـرهم على الجروح الي تنزف دم بجسمها وهيَ تون بـ ألم
رفعت رأسها لـ ناحية وگفتي وانصدمت من شافتني ، چرت الغطه بسرعه وسترت جسمها وعينها بعيني مدمعه ، طلعت من صدمتي بـ كلمه ...
_ ليش ؟

نزلت راسها وهزته بـ قهر ، رجعت رفعت راسها وانطلقت دموعها بالنزول ...

گلبي احـترگ وصحت بكُل صدمتي ، الصورة ما چاي تروح من بالي ولا لحضه

_يُمههه جااااوبيني ليش ؟

جاوبتني بصوت خاوي وخافت ودموع يچرن
_ طلــعي .

أتهسترت من كلمتها ورگعت الباب بكُل قوه وحرگة دم وآنه أصيح

_مااااا اطططلعععع مااااا اطططلع ، مللتووووني حسووو بييييَ كااافي كُلكم مريضين كُلكمممم وراح تمرضوني وياكم .

مشيت بـ أتجاها ووگفت گدامها ، مديت أيدي وجريت جزء من الغطه ناحية أيدها وصحت بـ صدمه
_ أحجيلي هاي شنو منو چاي يعنفج ؟

_ محد أمشي طلعي برى .

حطيت عيني بـ عينها وباوعتلها بنضره عتب ، چريت نفس وآنه احاول الزم نفسي حتى لا تطيح دموعي ، شفت ماكو فايده درت ضهري وطلعت وآنه كلي أنزف خيبه ، كُل يوم اكتشف شي يخليني أناجي ربي حتى ياخذ امانتـه آنه شمسويه من ذنب يخليني أعيش كل هذه ؟

طلعت بس ما اعرف وين رايحه رجليه هيَ الي تتحكم بيه وعقلي هوَ اليأذيني !

صعدت الغرفتي مهضومه أحس الوجع بيه مو بجسمها ، صعب على كُل أنسان يشوف أُمه بهذي الطريقه بلا مايعرف شنو السبب وشلون صار هيچ !

أحس نار اشتعلت بروحـي ، فتحت كنتوري بكُل عصبيه عيوني ما اشوف بيهن زين من الدموع چريت ملابس بدون لا حتى اشوفهن لبستهن ولبست حجابي وطلعت ما اعرف وين رايحه بس كل الاعرفه اريد اطلع من البيت لأن چاي يخنگني .

كُل بني أدم عنده طاقه صبر وآنه طاقتي چاي تنفذ !

نزلـت وشفت التلفون الي أنطانيا عمو مهدي گدامي اخذته وفتحت باب الصاله وطلعت هستوها الشمس باديه تطلع وكت شروق ، والهوى بيه نسمات بارده وصوت العصافير على الشجر يزقزق شگد ماهذي الأجواء تريحني بس اتجاهلتها ومشيت ورى الأصوات الي براسي ...