توأم دياب

الذَئـــب"11"

Writer/Tena
تـــيــنـه 🐺♥️
متابعه الحسابي ،ولا تنسون التصويت عُمري

إنني تاءه بين أفكاري
فـ أنا لا أجد أي مخرج .

____________________________________

فتح الباب دِياب يركض شوفته خوفتني گمت مفزوعه صاح ؏ أمي بعيون مدمعه: يمه ذِياب بـعـد ما يداوم يُمه نقلوه !

چاوبته ماما ببرود وابد ما اسغربت من الموضوع
;- أعرف .

عقد حواجبه بصدمه وحچه بـ أستغراب ;- شنو الي تعرفينه؟

مياده ;- الف مره گلت لحد يتدخل اعرف بأبني شنو جاي يصير وياه .

تقدم ركع كدام أمي لزم أيدها وحچه بتوسل
دِياب ;- سجادتي أُمي ماي عيني ، اخوي بأي ذنب يتحمل اخطاء غيره؟

لزمت ماما راسها بـ أيدينها وهزته : مادري مادري أبني ما يرجع الحضني اذا ما يسوي الأريده .

گام وگف وحجه بـ صياح أول مَـرّھ اسمع دياب هيج يصيح ،وأول مَـرّھ يعلي صوته گدامنا ولا عليمن ؏ أمي !
: "وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ ذَلِكُمْ وَصَّاكُمْ بِهِ لَعَلَّكُمْ تَعْقِلُونَ "
صدق الله العلي العضيم ، شلونن تصليين وانتتتِ تردينن تصنعين انسان قاتل ؟

ثارت ماما مثل البركان وگامت تحجي برعيد : الححححححقققق ووويايييي والقققانووون ويايي وربب العالميين مو غافللل ولا تدخخخل فهههمتتتتت .

أنطتنه ضهرها ومشت مشى وراها وصاح بكسره : سجادتي .

اندارت ماما ودموعها نزلت وياها : ها ياروح سجادتك .

تقدم باس أيدها وحطها ؏ گلبه ..
_ يُمه اخوي كُلشي سوي بس هوَ لا يتأذه لا تدمرينه وتدمرين مستقبله ..
شال ايده يأشر ؏ گلبها ويحجي بتوسل : احلفج بالعزاز الهنا .

مياده ;- ـلا تخاف ؏ اخوك يُمه محد يحبكم بگدي ولا يخاف عليكم بگدي .

هز راسه وعاف أمي ومشى وهوَ مبين لازم دموعه بلگوه ،متناسين وجودي
كُل الحوار الي دار، آنه كنت واقفه استمع واحاول افهم شي ،بس الي فهمته وهز گلبـي وخوفني اكثر ؏ اخوي المادري بيا أرض موجود ،الموضوع بيه قتل روح !

خرجت مِن الصمت مالتي مِن شفت أُمي صافنه عـليه نطقت بتوسل ودموع: يُمه أبوس أيدج احجيلي .

رحت اركض ؏ أيدها ابجي واتوسل وهيَ تمسح عليه أشرتلي بـ أيدها تعالي ،رحت أمشي وراها وصلنه لغرفتها دخلت وسدت الباب .

كعدت وكعدتني يمها صفنت شويه وحچت مبتسمه ..
مياده ;- أبوي وجدج أبو ابوچ جانوا اصدقاء الروح بالروح واحد يفدي نفسه للثاني ،
كُلشي يسووه سويه سفارتهم طلعاتهم اشغالهم كُله سويه، لدرجه أمي وجدتج صاروا نفس الشي ....