السلام عليكم ورحمة الله وبركاته من فتره بدات انزل روايتي هنا لكن للاسف اتمسحت وهبدا اكتب رواية مختلفه خالص هتكون عبارة عن خيال، رعب، ورومانسيه ولحد ما اقدر ابدا في نشرها وتكون جاهزه قررت انزل كل يوم اسكريبت مختلف اتمنى الفكره تعجبكم دمتم بخير🤎________________________
في كل قصة بطلا عاشق وشرير يسعى لتدمير ذلك العشق لكن ماذا لو كان هذا الشرير هو نفسه العاشق*
كنت قعده بقلب في التلفزيون ودي كانت جمله اتقالت في اعلان لفيلم اجنبي مسمعتوش قبل كده وبما اني كاتبه والجمل اللي زي دي احيانا بتعلق معايا وتفضل تتردد في عقلي فسالت نفسي هو اي اللي يحصل بجد لو كان الشرير هو نفسه البطل
السلام عليكم ازيك ي وسام
الحمدالله يزياد
انا كلمت اهلي وحددنا كتب الكتاب يوم الجمعه الجيه قلت ابلغك عشان لو ولدك مكنش قلك
اه بابا قلي
ده يبقى الشيخ زياد اتخطبنا من خمس شهور وبعد اسبوع هنكتب كتابنا يعني كانت خطوبة صالونات الحقيقة انا كنت بحب واحد جارنا لكن بما اني شخصية ملتزمه وهو عكس كده تمامًا فوفقت اتجوز شخص كويس وملتزم واحاول انسى انور ده غير ان انتقل على بيت تاني من حوالي تلت شهور
وجه يوم كتب كتابنا وقبله بساعه كنت حاسه بضيق تنفس واني مدايقه جدا فاضطريت اطلع فوق سطح بيتنا حسيت اني عاوزه انط واخلص بقا من الاحساس ده انا فعلا عمري ما حسيت باي مشاعر نحيت زياد انا كنت بكدب على نفسي انا لسه بحب انور كنت بقرب من حافة وانا سرحانه لحد ما حسيت برجلي على الهوا وحد بيشد دراعي لورا ولما لفيت وبصتله لقيته انور
كان باين على وشه الخوف والعصبيه
انتي مجنونه انتي كنتي هترمي نفسك ازاي تفكري تعملي كده مفكرتيش فيه
للحظه حسيت ان مش قدره اسيطر على اعصابي اكتر وانفجرت في وشه يمكن انا فعلا كنت مستنيه اللحظه دي
هي دي مشكلتي اصلا انا مش ببطل تفكير فيك اني حبيت انسان زيك انت واحد عرف بنات كتير لدرجة كنت بشوف كل يوم واحده معاك بعني ازاي انسانه زيي يتعلق قلبها بشخص زيك انا وافقت على الشيخ زياد عشان انساك بس عمري ما قدرت حتى الدليل على ده انا فاضل وقت قصير وابقى مراته وانا لسه بفكر فيك وانت اول ما عرفت بحبي ليك سبتني وبعدت ليه عشان مينسبكش تبقى معايا
انا فعلا مينسبنيش كنتي عايزاني اقلك بحبك وكنت بحاول انساك بكذه طريقه بس مقدرتش ولما قلتلي بحبك مكنش ينفع اعترفلك لان حسيت انك تستهلي شخص تكوني انتي اول بنت يعرفها ويحبها يكون بيصلي ومش بيشرب انا عشان بحبك بعدت عنك وقررت اتغير عشانك واكون شخص كويس يناسبك ويليق بيكي وسام انتي مش اول بنت بس اول واخر حب اللي بيحب بجد بيضحى وبيعافر عشان اللي بيحبه
يعني عايز اي
تتجوزيني
ازاي وبعدين انت جي بعد ما سبتني اتخطب وانت اصلا اللي قلت للشيخ زياد عليه وتقولي بحبك وتجوزيني
هو انا مش لسه قايلك ان اللي بيحب حد بيضحي عشانه بصراحه كنت شايفه مناسب وبصراحه اكتر طول الوقت كنت بدعي تكوني من نصيبي وخوفت تنسيني وتحبيه بس ربنا مخزلناش لان كان شاهد على حبي ليكي ومحاولاتي في ان اتغير عشانه وعشانك
كلامه اثر فيه جدا وعيوني دمعت من الفرحه انا كمان كنت بدعي ان يكون من نصيبي وكنت احيانا بحس ان دي غلط في حق للشخص اللي هتجوزه لكن حتى لو انا مدعتش قلبي مستحيل ميدعيش وفعلا نزلنا وشرحنا للكل اللي حصل وبصراحه انا مكنتش متوقعه يتفهمو الموقف بسهوله لكن كل حاجه عدت على خير وكان لازم اعتزر لزياد ولاهلي ومبسوطه لانهم شافو فرحتي وانا حاسه ان اخيرا ربنا عوض قلبي واكتبنا الكتاب
وقام وقف قدامي وحضني بس مكنش حضن عادي اول مره احس اني مقيده لكن مش عاوزه الحريه وعيونا اللي دمعت واحنا بنفتكر الوقت اللي قضناه بنتعب عشان اللحظه دي كنت عارفه ان لو وصلت للحظه دي هكون فرحانه لكن متخيلتش تكون بالجمال ده احنا مهما حاولنا نتخيل احساسنا هيبقى عامل ازاي لما دعواتنا تتحقق عمرنا ما هنوصل للمعنى الحقيقي الا لما نعشها بجد
بت ي بسمه انتي يبت اتلبستي ولا اي
هه نعم في اي
بقالك ساعه بتبصي في السقف ومبرقه عينك وعوجه بوقك على ناحيه كده ليه
انتي ليه مفسدت اللحظات مسبتنيش احضر الفرح ليه
فرح مين يبنت الهبله اللي بتحضري في الصاله اقلك خشي البسي وروحي على بيت جوزك انا ست كبيره مش قد جنانك
انتي بتطرديني من بيتك طب علفكره بقا انا مش ماشيه غير لما هو يجي يصالحني
تقدري تقوليلي هو عمل اي عشان سبتيلو البيت وجيالي
مرضيش ينزل يتمشى معايا الساعة 2بليل ومخلنيش اعمله ساعه في دراعه وبخيل جيبلي تلت شوكلاتات وانا طلبت منه خمسه كل دي اسباب كغايه ولا اكملك
لا لا متكمليش انا هدخل اخد دوا الضغط وانام
كنت قعده في اوضتي والساعه جت واحده بليل وانا مقدرتش انام وفضلت اكتب وفجاءه حسيت بحركه غريبه في بلكونت اوضتي وخرجت اشوف في اي لقيته واقف وماسك بوكيه ورد احمر لفيت وشي النحيه التانيه و انا مقموصه بقا شوكلاته دي اللي في ايده لا مش هضعف ابدا لازم اخد موقف
انتي لسه زعلانه طب انا اسف وخدي الورد ده ويلا نتمشى لحد بيتنا انا مروحتش من ساعت ما مشيتي ما انتي عارفه مبقدرش اقعد فيه من غيرك
انت مفكر اني هرجع معاك انسى ي يوسف
اتفضلي ادخلي يحببتي البيت نور
ايوه ي جماعه اتمشينا لحد البيت وخدت الورد بس انا مش تافهه وزعلي وحش مصلحتوش غير لما خلاني عضيته في دراعه يسلاااام على حبي وحبك
فكرت ان اللي بيحبك يتنازل عن عداته وقواعد حياته عشانك يتغير للاحسن عشان يليق بيكي ده الطف حاجه في الحب
انا قرات عن الحب في الروايات بس اللي عشته معاك اجمل بكتير
حطاوي_*ملاك♡
بسمه_ابراهيم_*ملاك♡.
