انت قاعد هنا وسايب اللي بيحصل بره
امم حصل اي؟
اقولك عمي جه وقال لعمار يطلق تسنيم يقوم اي بقا عمار يقولو لا دي مراتي ولا يمكن اسيبها بس عمي محكم رايه وقام بصلي وقلي لعلمك يا تمارا انتي كمان هتطلقي
بصلي بفرحة وقال بحماس اكني بقولو ان فريقه كسب الماتش. بجد هنطلق ؟
يبني اخوك وقف قدام عمي عشان مراته وانت فرحان هتطلقني ده انت عمرك ما جبتلي وردة ولا حتى حتت شوكلاته زي ما بشوف صحابك بيعملو مع اللي متجوزنهم فالح تتريق على شكلي بس
وهو ده شكل يتحب ولا يتجبلو ورد !
لا اسمع اما اقولك انا اصلا واخداك كبري يحبيبي اه يعني عمي يسالك تقولو لا الا تمارا رحيم مش هيعيش من غير تمارا
عيني هتخلعي عيني يا تمارا
كنت بتكلم وانا بحرك ايدي كعادتي وبحاول اشرحله خطورة الموقف بس ده رحيم لو الدنيا مطرت سحلب مش هيقوم من قدام اللابتوب لا ده مش هيجي غير بـ العنف بسم الله
اسمع ياض انا معنديش استعداد ارجع اعيش مع عمتي العقربة اياك على الله تقبل بالطلاق والا هحرمك من الكيكة بتعتي
وللمرة التانية يقول بنفس الحماس. بجد؟
قعدت وحطيت ايدي على راسي وحسيت بالحسرة على حالي يعني يارب مش كفايه ان جوزتني واحد مبيحبنيش ولا بيحب كيكتي وقلت معلش استحملو وبعد ست شهور عاوزين يرجعوني اعيش مع عمتي وبنتها اللي شبه الشرشوبه ما تقولي الحقيقة بقا قولي انك بتحبيه بحبه! بس ده احنا طول الوقت بنتخانق عمره ما عاملني زي ما بشوف اجوازات صحابي بيعاملوهم وحتى مش هيتمسك بيه زي ما عمار اخوه اتمسك بتسنيم بنت عمي هو اصلا اتجوزني عشان جده صعب عليه حالي مكنتش عايشه حياة سندريلا القاسية لاني مش كيوت ولا حلوة زيها وده اللي مخليهم مش بيطقوني عشان مش بسكتلهم وعمي اكيد مش هيجوز بنته ويتحمل مسئولية بنت اخوه فقال يجوزني بالمرة ودلوقتي لما اختلف مع جد رحيم في الشغل قرر يلغي ثفاقاته معاهم ويطلقنا واكن جوزنا جزء من شغله
الساعة 12
صاحي ليه حسيت بفراغ لما ملقتنيش جمبك وحاجة كبسه على نفسك صح؟
لا حسيت براحة غريبة وجيت اشوف اللي بتكبس على نفسي بتهبب اي؟
كيكة خد دوق افتح بوقك اكلك
اي القرف ده يشيخه مفيش مرة تطلع حلوة
اهو انت علطول كده كبتني وكاسر خاطري بكره اتدوز واحد عينه زرقا وياكل كيكتي وتقول ولا يوم من ايام كيكتك يا تمارا
وهو انا عشان عيني مش زرقا تعملي فيا كده غوري نامي
في الصباح
