هاي ممكن نتعرف انا محسن وانتي ممكن رقمك
نظرت له وهي ترفع حاجبها وكانها تساله (حقا)
اي مالك؟
اشارت له بيدها ليقترب وجهه منها وكانها سوف تخبره بسر ولا تريد من احد في الكافتريا ان يسمعها او هكذا اعتقد هو حتى خيبت ظنه وهي تقول بصوت جعل رواد المكان يلتفتون نحوهم
لما انا يتاخد رقمي وتتعرف عليه الصاروخ ارض جو اللي قعده هناك دي قالتها وهي تشير لاحدي الفتيات على طاوله امامهم والتي يبدوا انها اجنبيه ولا تفهم لغتنا
يتاخد اي كلويها نعملها استقصال. يحج محسن انت مين العبيط اللي علمك الشقط ده لازم يتباد هو وسلالته منعًا لتكاثر اللي زيه عشان خطر علينا
نظر لها الشاب بصدمه ولم يعرف ماذا يقول بينما هي لم تهتم بالمكان او بالناس الذين ارتفعت اصوات ضحكاتهم ومنهم من يحدقون بها بتعجب وكانهم لا يستوعبون ما تقول
ده انا من ساعت ما جيت وانا هموت واقوم اخد رقمها والاخ اللي قاعد يصفر ورايا ده خرم طبلة ودني عمال يغمز ليها انت احول يلا ولا احول لما انا اتعاكس دي يتعمل فيها اي فهمني بس.
يبني حرام عليك ده انا بقالي 20 سنه بتعالج عند دكتور عيون ومش نافع ليه علاج وحاسه اني فتحت اول لما شوفتها بقدرت قادر كده وانت مشاء الله عينك سليمه بس عقلك محتاج يتنفخ فيه عشان تقريبا لم تراب من كتر الركنه
انتي اي يخربيتك انا كنت جي اعاكس بس وانتي اصلا قعده تعاكسي في البت الاوروبيه دي
قالت بعدم اهتمام
انا بس بعرفك غلطك ولا اسيبك عبيط كده يلا سلاموز اه مفيش داعي تشكرني انا كذه انسانه عطاءه
استدارت وهي تخرج من المكان تاركة ذلك الشاب يرمقها بنظرات بلهاء وما كادت تخرج من الكافيه حتى اصطدمت بجسد صلب ارتدت على اثره للخلف
مش تخدي باللك ي انسه
الاه ود ي مصعب ازيك يواد انت جي هنا ليه رجعت امته من كانكه بتعتك دي
كرزه
لا كرزه دي اللي امك بتحطهالك على الكيكه وتعملو قرعه مين هياكلها اما انا فراولة يخويا
اجابها وكانها لم يسمع حديثها السابق
خير يكرزه بتعملي اي هنا
بشقط يود يمصعب في حته استيراد اوربي جوه انما اي لوز لا تقولي بقا كانكه ولا ابريق شاي
انتي جايه تعاك...
ولم يكمل حديثه وهو يجده تبعد جسده وتنظر خلفه بعيون منبهره
الحق يمصعب دي ناس ملونين.اكملت وهي تسائللهم بكل جديه
انتو اي خرجكو بره محل الحلويات يح..
