اسكريبت♡".
انتِ مجنونه
انا... اسفه والله بس كان في واحد ماشي ورايا من شويه بيديقني فجريت بسرعه ولما حسيت ان في حد ورايا فكرت حضرتك هو انا متاسفه
حضرتك وانتِ بتجري منه الدفتر ده وقع من شنطتك فمشيت وراكِ او بمعنى اصح جريت عشان ادهولك
شكرا بجد انا اسفه يا استاذ سيف
انتِ تعرفيني؟
هه؟ لا قصدي ايوه مين ميعرفش حضرتك وكمان الجيم اللي بتدرب الناس فيه قريب من المدرسة اللي بشتغل فيها
انتِ مُدرسه؟
ايوه مُدرسة لغة عربية عن إذنك
مكنش ينفع افضل واقفه معاه اكتر من كده لوحدنا حتى لو في الشارع وبصراحه اكتر خوفت اتفضح من كتر ما ضربات قلبي كانت سريعه حسيت ان ممكن يسمعها عارفه انه غباء بس خوفت يبان عليه اني... اني بحبه مش مصدقه ان ضربتو بالشنطه كان لازم اعرف ان مش شخص بيعاكس اصل متكلمش وحتى كان بعيد عني بمسافة
نهارك مش فايت بقا سيف بطل الملاكمة يتخبط بالشنطه ومنك انتِ؟
انا بحكيلك عشان تزوديها عليا؟
اومال عوزاني اقلك اي يوم ما تدافعي عن نفسك تضربيه هو ده انتِ مش بتخبطي ضفدعه
ما هو الضفدع ده روح
وسيف ده اي لوح خشب؟!
اهو اللي حصل بقا يا مروه انا اصلا اول مره ادافع عن نفسي ويوم ما اعمل كده وتجيلي الجرائه تطلع فيه هو حظي المهبب
طب بقولك اي يا خديجه انا سمعت ان من كام شهر جاب واحده تدرب البنات وعمل مكان لتدريب البنات ازاي يدافعو عن نفسهم بقا والكلام ده وتمرينات ما تروحي تجربي
لا طبعا انا لا يمكن اروح مكان زي ده انا اصلا عجبني شخصيتي كده
صباح الخير هو فين استاذ سيف لو سمحت؟
هتلاقيه ف الدور اللي فوق في صالة التدريب
متشكره
كنت بقدم خطوة وارجع تاني انا ازاي اسمع كلام مروه واجي هنا برجليه انا بقول بلاها واروح تاني ايوه انا مش وش ذلك خلاص قررت
بتدوري عليا؟
لا. اه
اجابها بابتسامة ساخره
وانا اختار الاجابه الصحيحة مثلا؟
انا اه جيت عشان مروه صحبتي قلتلي ان انت قصدي انتو هنا بتدربو البنات وانا مخبيش عليك طول عمري بشوف الستات المسترجله القويه اللي بمية راجل دول ونفسي اعرف بيبقو كده ازاي
