اخيرا يرشا عرفت اسمه طلع اسمه يوسف
هو مين؟
مين اي ركزي معايا الكاتب اللي بحبه
اه الكاتب اللي انتي بتحبيه وهو ميعرفش انك عايشه اصلا
ايوه هو بس بس هو علفكره بقا نزل حكايه امبارح واسم البطله كان ابتسام
ايوه واي العلاقه انتي اسمك بسمه ولا لتكوني غيرتي
مهو يغبيه يسمي البطله ابتسام النهارده بكره بوسي وبعده بقا بسمه هو لازم تيجي مره واحده كده
كل مدى ما بتاكد انك نو كرامه والله
ليه محدش مستوعب اني بحبه وانه مش مجرد بحب اقراء كتابته لا هو كريتيف في كل شيء بيعمله وكمان دمه خفيف وبحس ان السكريبتات تبعه اسلوبه مختلف عن نمط اسكريبتات اي حد يمكن مش قادره اوصف كويس بس انا دلوقتي بقت امنية حياتي ان اقبله
كنت قعده في الكافيه اللي بروحه دايما وبقراء رواية ليه لسه نازله من فتره طبعا كنت مندمجه جدا بس منه لله اللي سحب الكرسي وقعد قدامي فاكر نفسه بطل في الرواية
عجبتك الرواية اوي كده
مين حضرتك؟
تقدري تعتبريني بطل الروايه لحد ما البطل الحقيقي يظهر
مع ان شكلك مش مقنع خالص
طب سيبك مني واحكيلي عن الرواية عجبتك؟
ايوه معقول يكون يوسف هو الكاتب ومتعجبنيش انت مش متخيل بحبه قد اي
بس انتي متعرفهوش شخصيا عشان تحبي اوي كده
احيانا بحس ان اعرفه كويس من كتباته كل مره بقراء فيها كتبه بيزيد اعجابي بيه
مش يمكن لو عرفتي تكتشفي انك كنتي غلطانه في نظرتك ليه او حطي احتمال ان يكون مرتبط مثلا
يؤسفني اقلكم ان كلام الكائن الغريب ده منطقي بردو وفعلا انا مفكرتش في حاجه زي كده ما هو برضو مش معقول احب شخص ميعرفش اني عايشه اصلا هحاول اقنع نفسي ان احساس ده مجرد انجذاب لكتباته مش اكتر فتحت البيدج اللي بينزل عليها ولقيته نزل خاطرة جديده محتواها
لدي الاف المتابعين، وملايين من القراء، يتطالعون نصوصي من خلف شاشة هواتفهم، وقد يعبر كل منهم عن مدى اعجابه بكتباتي بضغطة زر، لكنني اليوم علمت ماذا يعني ان تكون كاتبًا،حين راينها جالسة لا تبالي بكل من حولها، فقط تحدق بكلماتي وكانها المرة الاولى التي تقرا بها، تحرك عيونها ببطىء مع سطور روايتي،عقلها شارد بضوضاء الاحداث، يحاوطها الشغف ، شغفا لم يكن لدي انا حين دونت تلك الرواية، ليس الدليل على انني كاتب ناجح هو وجود الاف من الناس لمتابعتي، يكفيني قارى واحد مثلك، تكفيني انتي.
وطبعا كل الكومنات كان بيشعجو ويعبروا عن مدى اعجابهم بكتباته ومنهم كانو بيسالو عن الهدف من الخاطرة وهل يقصد حد معين اما انا فكتبتله : حتى ان لم نلتقي ابدا ساظل اقراء كتاباتك بشغف وكانها المرة الاولى الذي تقع فيها عيناي على احدى نصوصك
انتي عبيطه يبت ليه تكتبيله كده
مشعارفه بس حسيت ان لازم اكتبها عادي محدش يعرفني اصلا
بسمه هو انتي ملفتش نظرك حاجه؟
حاجة اي؟
الموقف اللي حصلل في الكافيه والخاطره اللي كتبها
للحظة بدات اربط الاحداث وبصتلها وانا مبرقه عيني من الصدمه معقول يكون هو الشخص اللي قبلته هو نفسه يوسف
خرجت من البيت بسرعه وروحت الكافيه وفضلت قعده مستنياه يجي وانا متوتره وخايفه يكون مجرد احساس او سوء تفاهم فضلت مستنيه كتير بس مجاش خرجت اتمشى شويه ومعرفش ليه وقتها عيطت حسيت اني بوهم نفسي لحاجه عمرها ما هتحصل مش يمكن تكون البنت اللي كتبلها الكلام مش انا ويكون مرتبط او بيحب انا ايه اللي بعمله ده هو اه الحب جنون بس انا اللي هدفع تمن الجنان ده بعدين لازم افوق بقا انا بقيت عامله زي اللي متعلقه بشخص مش موجود على الاقل في حياتي
عده اكتر من اسبوعين وانا بحاول امارس حياتي بشكل روتيني وقفلت سوشيل علشان مفتحش البيدج تبعه بس النهارده قررت اخرج اشتري كتب جديده وبالصدفه عديت من قدام الكافيه ولقيت نفسي بدخل قعدت على نفس الطرابيزه كنت بقرا في الروايه
اي الروايه دي
انت اي اللي جابك تاني
تعرفي انك حمصتي خاطري
هو انا اعرفك اصلا
الله اومال فين كلامك ان كل ما بقرا ليك بتعرف عليك اكتر ليكي حق تساليني السوال ده ما انتي بطلتي تقراي روياتي
انت مين؟
بطل الرواية الحقيقي
وكنت فين
ما انتي لو مهتمه كنتي عرفتي ان سفرت بره مصر ليه قفلتي سوشيل وبطلتي تيجي هنا
محبتش اعذب نفسي اكتر واعلق نفسي بشخص معرفوش
طب ما انا كمان حبيت بنت معرفش حتى اسمها
حبتها عشان بتحب تقرا كتباتك
لا عشان عيونها عاوز افضل شايفهم دايما مش بس وهي بتقرا كتباتي وهي بتبصلي انا وافضل اتاملها وهي بتقراء
عادي في قرا كتير بيحبو كتباتك
يكفيني قارىء واحد مثلك، تكفيني انتي❤
جماعه هو انا مش عشان بسمي بطل الرواية يوسف والبطله بسمه ابقى بحب واحد اسمه يوسف انا ولا اعرف حد بالاسم ده اصلا
بسمه خلصتي السكريبت؟
ايوه ي يوسف يحبيبي وجايه اهوه عن اذنكم قرة عيني بيندهلي.
حكاوي_ملاك♡.
لـ بسمه_إبراهيم*ملاك*
