انسه زينه اتفضلي الدكتور في انتظارك
دخلت اوضة الكشف بعد ما استاذنت فضلت باصه في الارض وبفرك في صوابعي بتوتر ولما سمعت صوته بيسالني انتي جيه لوحدك؟
رفعت عيني وبصيت ليه لقيت شاب في اوخر العشرينات وحاجه كده قمر زي ما يكون بطل رواية مثلا سرحت في ملامحه لدرجة نسيت اجاوب على سواله وهو بيبصلي باندهاش وبيبص على الباب اكنه منتظر يتفتح وحد تاني يدخل وكرر سواله مره تانيه
انتي مش جيبه حد معاكي
ليه
اصل مينفعش تيجي لوحدك
ليه حضرتك شيفني عيله انا عندي 20سنه دكتور عيون ومبتشوفش تيجي ازاي دي
اصل مش باين خالص اتفضلي اقعدي
مش انت المفروض دكتور عيون
انتي جيه تتتاكدي يعني اذا كنت دكتور عيون ولا لا
رد من غير استعباط
استعباط! اه انا دكتور عيون خير بتشتكي من اي
من منخيري
اه هي مهنه مهببه اصلا ويوم منيل
بص من الاخر انا عيزاك تشوفيلي حل عشان اقدر اقلع النضارة دي وادهم يحبني
لا مهو انا مش بجلب الحبيب ورد المطلقة انا دكتور حضرتك و ايش دخل النضارة بان ادهم يحبك
اصل اهله مش عاوزين يجوزوا وحده بتشوف بعين واحده ولبسه نضارة ورفضوني قلوله هتتجوزها تصرف على علاجها وعملياتها طب ما تسبها ابوها يصرف عليها وانا بعدها اكتئبت يدكتور وكلت كريب وشربت بيبسي قبل ما اجي وبرضو منفعش
بعيدا عن مشاكل العائلية ومش حابب ادخل يعني بس انتي جربتي الشكولاته بتنفع في الحالات اللي زي دي
امال انا جيالك ليه
يشيخه يعني انتي تعبه نفسك وجيه عشان اديكي شوكلاته طب متقولي كده من الصبح اتفضلي اهه
هو انا بنت اختك يعم حرام عليك علجني اعمل اي حاجه
والله تقرير حضرتك بتقول انك خضعتي لعمليات جراحيه كتير جدا في سن صغير اوي مما ادى لدمور في العصب البصري و ان مبقاش ينفع تعملي اي عمليات ابدا بالاخص الجراحه وحتى عملية التصحيح اللي المفروض اللي في سنك يعملوها كمان متنفعش ليكي
كلامه جرحني اوي وزعلني مع انه مش اول دكتور يقول نفس الكلام بس فكرة ان كده خلاص ادهم ضاع مني بعد حب تلت سنين مش هنكون مع بعض
طيب شكرا ليك سدت نفسي الله يسد نفسك وهات الشوكلاته دي هخدها
مشيت ورجعت البيت وكنت مدايقه جدا فتحت الفيس بقلب فيه بملل ولقيت بوست مكتوب فيه جملة لفتت انتباهي اللي بيحبك بجد هيقبلك زي ما انت لان هيشوفك بقلبه قبل ما يبصلك بعيونه
سرحت شويه في الجملة دي لحد ما لقيت ماما داخله عليه ومن غير اي مقدمات قلتلي في عريس قبل ما تكمل رديت وقلتلها ان خلاص رضيت بنصيبي زي ما بابا قلي زمان وانا مش هتجوز
طبعا اثر فيها كلامي وزعلت عشاني بس حاولت تخبي ده بابتسامة واتكلمت بهزار ليه يختي نقصه ايد ولا رجل
لا نقصه عين يماما
يزينه يحببتي بلاش تعملي في نفسك كده عشان واحد زي ادهم ميستهلكيش انتي خسارة فيه وفى اهله معلش اقعدي بس مع العريس لو معجبكيش ارفضي بس جربي عشان خاطري
مع اني مش هستحمل صدمات تاني بس حاضر يماما
تاني يوم قومت من على السرير بكسل وبفتح الفون لقيت مسج من رقم معرفوش
صباح الجمال على عيونك
في واحده تبقى كسولة كده في يوم مهم زي ده
اتجهلت المسج وحتى مهتمتش اعرف مين اصل اكيد حد فاضي
و بيهزر بس هو عرف منين اني كسوله ويقصد اي بيوم مهم لا انا هرجع انام تاني
بليل،
يلا يزينه الناس قعدين بره مستنيانك
خرجت وانا بصه في الارض وقعدت جمب مامتي ومكنتش مركزه مع كلامهم لحد ما سمعت صوت بابا وهو بيقول خلونا نسيب العرسان لوحدهم اقعد بس يحج رايح فين تسيب بنتك الوحيدة كده طبعا قلت كده في سري وكانو هما خرجو اصلا
بتدوري على حاجه ضيعه منك
لحظه هو انا لو مش غلطانه ده صوت دكتور حمزه رفعت وشي وبصتله وانا بعدل النضارة يمكن اكون بتخيل ولا حاجه
انت بتعمل اي في بيتنا يدكتور
نقلت مقر العيادة بتعتي عندكم هو مش انتي العروسة
وانت جي تتاكد ان انا العروسة ولا لا
لا جي اشوف العيون اللي خطفوني من اول كشف
دكتور حمزه هو كان فاضل عشرة ج مدفعتهاش فقولت تيجي تاخدني بدالهم يعني
لا قلت اجي ارحم الناس الطيبين دول منك
بس انا مريضه
وانتي ناسيه ان انا الدكتور
يراجل متقول كده من الصبح احنا نطلب الماذون بقا
واتجوزنا وهو بقا دكتور عيوني طبعا ♥
بعد سنتين
حمزه
عيونه
ليه اتجوزتني ؟
عشان بحبك
اللي بيحبك بجد هيقبلك زي ما انت لان هيشوفك بقلبه قبل ما يبصلك بعيونه'.
يا العيب فيكم
يا في حبايبكم اما الحب يروحي عليه".
حكاوي_ملاك♡.
لـ بسمه_ابراهيم*ملاك*
