ازاي يبقى ليه امير وانا فاشله في كل المعايير الله تنفعي تكتبي شعر يبت ي بسمه
طب اتنيلي وقومي روحي الامتحان
ااااه بوراحه
لا هي محدفتنيش بالشبشب متقلقوش الوضع تحت السيطرة
ورقتك ي انسه
اي ده طلقتني خلاص
طلقتك اي دي ورقة الامتحان
طب ما تخليها
هو انا بعزم عليكي اتفضلي حلي
يارب خليك معايا ده انا عبيطه ومش فاكره حاجه من اللي زكرته
لحظة هو انا زكرت اصلا؟
في حاجه ي انسه؟
جرااا اي يدكتره انت مركز معايا ليه يخويا ؟
دكتره!!
بقولك اي ممكن كوباية شاي بنوعناع معرفش اركز غير وانا كيفي رايق
كام معلقة سكر؟
ساده وانا هحط صوباعي
احنا هنهزر ي انسه احنا في لجنة امتحان مش بلكونت بيتكو
ي لئيم عرفت ازاي اني بشربه في بلكونتنا
ها عملتي اي في الامتحان
عيب عليكي شلت الماده في شوال
ده انا كنت جايه اعزمك على خطوبتي
اخيرا حسن هيتلحلح ويخطبك
اه عقبال اما اخلص منك
امته بقا ياجي دوري واودع حياة السنجله دي
اه هجوزك دكتور يوسف يبت ي بسمه
يخربيتك ملقتيش غير ده ده عصبي ومجنون
هو مشكلتك ان عصبي وشكله الوحش ده ملفتش نظرك
بس بصراحه الود شياكه على الاخر
وفيدتها اي الشياكه وهو كده كده شكله وحش
مقلتلكيش بقا عملت في اي النهارده هو كان بيراقب في الامتحان
يبقا ليكي حق تشيلي المادة
اي ي بسمه مش هنفرح بيكي بقا
عارفين طنط حشريه اللي بتبقا في كل المناسبات اللي هو انتي قعده مستنيه التورته تيجي وبتفكري يترى شوكلاته ولا كريمه تيجي واحده تسد نفسك و تعكنن عليكي
اه يطنط ان شاء الله
يباااي منهم الناس دول يعني هو فرحتهم واقفه على جوازي خلصنا من طنط حشريه نيجي لينبوع الحنان اللي برضو عاوزه تخلص مني بس دي بقا مينفعش يتقلها لا والا ابو وردة هيسلم على قفايا
انتي ينلت النيله جيالك عريس واياكي تقوليلي مش عاوزه اشوفه لحسن انتي عارفه انا هعمل فيكي اي
وجه العريس وقعدت معاه جماعه بلاش الحركات دي احنا كلنا عارفين مين العريس بس عمرنا ما نروح نقول
دكتور يوسف يعني انا يوم ما اقعد مع عريس يبقى ده حظي بيفكرني بوش الاكس اصله مات محروق
هو فجاءه شال الكاب اللي كان مغطي وشه وبصلي عارف لما يبقى عندك موبيل قديم ويهنج اهو انا هنجت لما شفته سبحان الله يخلق من الفسيخ شربات هو احلو كده امته ينهاري يكنش وليعوذ بالله عمل عملية تجميل
اقفلي بوقك شويه انتي هتبلعيني ولا اي
انت مين عمل فيك كده؟
دي طبعتي علفكره انا كده اصلا
ااه انت في ساحره حولتك لوحش ورجعت امير ايوه زي كرتون بيل
ده على اساس ان انتي بقا بيل لا مش كده بس انا مكنتش حابب اظهر بشكلي الحقيقي غير للبنت اللي هيخترها قلبي وعشان ميكنش في حياتي قبلها ولا بعدها البنت اللي عمرها ما شافتني وحش هي بس شافت عصبيتي وده حقيقى انا مكنتش بتعامل بهدوء بس ما انني برضو جننتي اهلي
يراجل حرام عليك ده انت زهقتني الا قلي بقا مين البنت اللي تقصدها دي
ادي اخرت اللي يحب واحده عببطة انتي يحببتي الجميلة
وحش بتكسف الله
طب اي مش هنشرب الشاي بنوعناع مع بعض في بلكونت بيتنا
طبعا هيكون ليه امير
حكاوي_ملاك♡.
لـ بسمه_ابراهيم*ملاك*
