_هشام مرجعش بيته!
قال بلال مصدومًا يخرج هاتفه يتصل به ليسمع رسالة مسجلة فحواها أن الرقم غير متاح.. أعطاه كرم ملفات يستشهد بها على حديثه مردفًا: مش هو لوحده.. فيه بلاغات متقدمة بتغيب 3 مدنيين من امبارح
رمقه بلال بتعجب ثم أخذ الملف الذي أعطاه صديقه وقال: طيب شوف موضوع المدنيين دة وأنا هشوف هشام.. هو حالته النفسية مش أحسن حاجة بعد تحويله للتحقيق.. أكيد راح هنا ولا هنا.. ربنا يستر
__________
_الماية دي جت منين!
قال علي بذعر يرمي المياه خارج القارب بكل ما أوتي من قوة فساعدته داليدا تصيح فزعة: ظهرت فجأة!.. هنغرق هنغرق!
هدر علي بضيق من توتره يخلع سترته يسد الثقب: اسكتي بقى!
بكت داليدا بخوف تحاول الهدوء أما علي فجال بعينيه يبحث عن أي أمل للنجاة ثم قال يتصرف: كدة مش هنوصل.. لازم حركتنا تبقى أسرع.. امسكي دة وساعديني واتماسكي شوية من فضلك
أعطاها المجداف فرمقته بتعجب ليستعد هو للسباحة مردفًا: الشط مش فاضل عليه كتير.. أنا هسحب المركب وأنت جدفي.. حطي رجلك ع الجاكيت ثبتيه عشان لو اتهز هيدخلنا ماية تاني
نظرت له داليدا بخوف من الغرق فقال هو يستجمع عزيمته: ربنا كريم قادر يخرجنا من أزمتنا
_________
_مات!
ذعرت ليلة حين علمت أن ذلك الرجل المتسطح أمامهم قد فارق الحياة منذ وقت لا بأس به
ففتشه هشام عله يجد أي شيء يدل عن هويته إلى أن وجد بطاقة تعريفه الشخصية!
ابتسم وقرأ ما فيها: غسان فايز حسن أحمد لاشين
14/6/1976
مدرس ثانوي.. مسلم.. متزوج
تأثرت ليلة وقالت: لا حول ولاقوة إلا بالله.. ودة اي اللي جابه هنا دة بس.. زمان أهله قالبين عليه الدنيا
فكر هشام قليلًا ثم قال جادًا: غالبًا هو هنا لنفس السبب اللي احنا بسببه هنا
توجست ليلة وأردفت: يعني احنا مصيرنا هيبقى زيه؟!
نهض هشام يمد لها يده قائلًا بجدية: اسمها هنعرف نجيبله حقه؟.. والإجابة إن شاء الله اه.. نبطل انهزامية ونتحرك عشان نعرف ننقذ نفسنا ونجيب حقه؟
استفسر متهكمًا فنهضت ليلة دون الاستناد على يده تقول بهدوء: متشكرة بعرف أقوم لوحدي.. اتفضل يا حضرة الظابط.. شوف الصالح واعمله
وضع هشام سترته على جثة ذلك الرجل ووضعها جانبًا ثم تقدم فمشت ليلة وراءه.. مضى بعض الوقت حتى سألت ليلة ولا تزال متأثرة بجثة الرجل: تفتكر الأستاذ غسان الله يرحمه.. كان في نظر اللي خطفنا فاشل بردو؟.. عشان كدة قتله؟
فرد هشام جادًا: غسان متقتلش.. غسان مات
نظرت له ليلة بتعجب تردف: وأنت عرفت منين؟!
فأجاب هشام ساخرًا: هو أنا عجلاتي؟
تنهدت ليلة حانقة تردف: طب ممكن تفهمني بدل مانت بتنقطني كلمة بكلمة كدة!
أنت تقرأ
الفشلة ينجحون (مكتملة♡•)
Aventuraضابط غير كفؤ خياطة تتحامى أجسام العارضات دكتور البهائم روائية بئر السلم أسماء تعريفية وجدوا أنهم سُموا بها ليتيقنوا أن الشيء الوحيد المشترك بينهم هو الفشل!
