نظر لشلال الدماء الذي كاد يغرقه ولا زال تحت تأثير الصدمة يلتقط أنفاسه
سمع هشام صوت انفتاح الباب فالتفت للداخل ليجده غسان الذي قال يبتسم مصفقًا: مبارك نجاحك الفردي يا هشام
فمسح هشام دماء حسن عن وجهه يقول ساخرًا: أهلًا بصاحب المقام
رمق غسان الجثث ثم ابتسم: حاسس بايه دلوقتي.. مش فخور؟
ابتسم هشام يجيب: فخور.. بس مش للسبب دة.. الإنسان مش محتاج يعمل كل دة عشلن يبقى فخور بنفسه.. كفاية إنه يعرف السر ورا وجود دي في مكان غير مكانها
أخرج بطاقة غسان من جيبه يلقيها له فأمسكها غسان ليعلق هشام مردفًا: السر كان في البطاقة من الأول.. أنت رميت بطاقتك مع جثة الأستاذ أحمد السيد عشان توهمنا إنك مخطوف معانا وإنك مت في النفق.. بس الحقيقة هي إنك أنت الخاطف.. صاحب الحكاية من أولها
تقدم غسان يجلس على المكتب مردفًا: وعرفت اي كمان؟
فقال هشام جادًا: عرفت إنك ولعت في بيتك وحرقت عيلتك وهما صاحيين.. عشان دايما بيفكروك بفشلك.. ومش بس كدة أنت قتلت صاحب عمرك بعد ما لبسته مكانك في مستشفى المجانين.. نقول كمان؟
تردد في عقل غسان بعض العبارات التي سمعها من زوجته مثل: ياخويا انزل شوفلك شغلانة بدل مانت عاطل ومدور على دهبي كل يومين والتاني!
وقول والدتها الساخر: هو المحروس لسة هنا منزلش شغله؟.. يوه صحيح دة نسيت.. المحروس عاطل وماشي ورا أفكاره الفاشلة!
وقول ولده بخزي: مش هقدر آخدك معايا المدرسة في يوم الأب قدام صحابي.. كل واحد أبوه بيفتخر بيه لكن أنت أنا مش قادر أفتخر بيك
فنهض غسان يردف محتدًا: أنا عمري ما كنت فاشل.. هما حطوني في مكان مش بتاعي وكانوا مستنيين مني نتايج مبهرة لا وبيعايروني.. أنا دلوقتي في مكاني الصحيح.. مكاني اللي كنت بحلم بيه.. أنا اللي عملته.. الفندق والملاهي والمقطورة بتاعة هديل وفريقها.. أنا اللي صنعتهم.. وأنا اللي حافظت على صيانتهم.. وأنت تشهدلي بكدة.. أنت جربت بنفسك اللي حصل في الفندق.. المرايات والحمم وغيرها.. كل حاجة كانت حقيقية وأنتو عملتوا أدوراكم زي مانا عايز بالظبط
فقال هشام غاضبًا: أنت دمرتنا!
فأكمل غسان يسرد: أنتو مدمرين من زمان.. نظرة الناس ليكم عشان فشلكم في حاجة من وجهة نظرهم مهمة دفنتكم بالحيا في نظر نفسكم.. أنا ساعدتكم تلموا رفاتكم.. احنا البشر.. بنحب نعقد كل حاجة على بعض.. بنحب نهد كل حاجة بتتبني بكلمة.. كلمة بايخة زي كلمة فاشل.. ياما هدت.. وكلام كتير غيرها زي مش هتقدر وكان غيرك أشطر.. كل دة أوهام.. خليك واقعي.. كلام كتير سهل عليك تخرجه من بوقك.. بس صعب أوي أخرجه من راسي
عشان كدة أنا جيبتكم هنا.. عشان أعملكم مكان تصارعوا فيه على البقاء واللي يستحق بس هو اللي ينجو.. ودلوقتي أقدر أقولك إنك أنت الوحيد اللي تستحق تنجو يا هشام.. بس أنا عندي ليك سؤال.. أنت عرفت منين موضوع حرق البيت وماهر دة؟
أنت تقرأ
الفشلة ينجحون (مكتملة♡•)
Przygodoweضابط غير كفؤ خياطة تتحامى أجسام العارضات دكتور البهائم روائية بئر السلم أسماء تعريفية وجدوا أنهم سُموا بها ليتيقنوا أن الشيء الوحيد المشترك بينهم هو الفشل!
