_أدينا روحنا منطقة ليلة علواني أهو وفتشنا الكاميرات وملقيناش حاجة.. الست مجاتش بيتها من أسبوع
أردف كرم بخيبة أمل فقال بلال يبتسم: مين قال إننا ملقيناش حاجة؟.. ماحنا عرفنا إن آخر مشوار عملته كان لدار النشر اللي رفضوا يجددوا العقد معاها
فكر كرم قليلًا ثم أردف: هتكون انتحرت يعني؟
فنفى بلال يفسر رأيه: معتقدش.. واحدة زي ليلة بالصدمات اللي تعرضت ليها في حياتها ميتهيأليش إنها تنهي حياتها لسبب زي دة.. دة غير إننا مستبعدين وفاة أي متغيب لأن مفيش أي جثث ظهرت خالص
تنهد كرم بتعب يقول: أنا زهقت يا بلال.. القضية دي متشعبة جدًا.. احنا كل دة في ليلة بس.. أومال لو فتحنا ملفات الباقي هنعمل اي
جلس بلال ثم أخرج بعض الأوراق من درج مكتبه يقول: وراك حاجة الكام ساعة اللي جاية دول؟
نفى كرم فرد بلال يعطيه نصيبًا منها: حلو.. امسك معايا كدة ملفات ال 14 مختفي نحللهم سوا أنا واثق إننا قربنا وإن الليلة دي مش هتعدي غير واحنا واصلين لأول الخيط بإذن الله
_أنتو مين؟!
سألت ليلة متفاجئة بوجود بشر غيرهم في هذا الفندق المخيف ولكن صراخ داليدا الذي ملأ المكان بأكمله أعاق استكماله حيث اتجه الجميع نحو غرفتها حتى الناس الذين كانوا بالغرفة التي فتحتها ليلة
تقدمهم هشام يتفحص الجثة.. إنها امرأة ويبدو أن وقت الوفاة يتراوح ما بين الأسبوعين لخمسة عشرة يوم على الأكثر.. رائحة الغرفة بشعة فقال علي متأذيًا: اخرجوا برة يا جماعة من فضلكم
امتثلوا لطلبه فخرجوا وقال هو لهشام الذي كان يتفحص الجثة ما إن كان معه أيًا من متعلقاته الشخصية: سيبهالي يا هشام وشوف أنت الناس اللي برة دي
نهض هشام يتنهد بتعب: لو لقيت معاها حاجة هاتها.. بطاقتها تليفونها أي حاجة يعني
أماء علي بينما خرج هشام ليلتقي بشاب وثلاث سيدات ينظرون لهم بقلق فسأل: أنتو مين واي اللي جابكم هنا؟
فقال الشاب متحفزًا: أنتو اللي مين؟.. ووصلتوا هنا ازاي؟!
لترد ليلة تحاول أن تهدأ من توتر الجميع: احنا مخطوفين بقالنا 3 ليالي ومحبوسين هنا مش عارفين نطلع
فأجابت إحدى السيدات هلعة: احنا كمان مخطوفين بقالنا أسبوعين مش عارفين نخرج من هنا.. أنا نجلاء أبو العينين محامية
قرأ كرم في أحد الملفات: نجلاء نبيه أبو العينين 40 سنة.. مطلقة.. محامية وأغلب قضاياها خسرانة مكتبها قفل من 3 أسابيع بعد ما جابت إعدام لموكل عندها.. أهله كانوا هيموتوها لولا جارها اللي هربها وشافلها شقة تانية وطلب منها تقفل المكتب حفاظًا على حياتها.. اختفت قبل أسبوعين ومحدش يعرف عنها أي حاجة في عنوانها الجديد
أنت تقرأ
الفشلة ينجحون (مكتملة♡•)
Pertualanganضابط غير كفؤ خياطة تتحامى أجسام العارضات دكتور البهائم روائية بئر السلم أسماء تعريفية وجدوا أنهم سُموا بها ليتيقنوا أن الشيء الوحيد المشترك بينهم هو الفشل!
