الانستا h.w09
ابتسمت عبالة ماعرف سالفتة
بعدني صافنة
علي و وصلتني رسالة
خلت جسمي كلة يرجف
نص الرسالة :
ترتيل ماما البقاء بحياتج
اني امچ وراح اجي اخذچ هاليومين
بدون مقدمات كتبت هيچ
رجفت وماعرف شنو الشعور الاجاني
وين چانت ؟ توها اذكرت؟
رفعت راسي لگيتة يباوعلي بأستفهام
صفنت علي وهو صافن منتظرني احچي
أنطيتة التلفون
باوع ضحك بستهزاء
نقل الرقم بتلفونة
حضرها من جهازي
وانطاني التلفون
متصور انو اني ماعرف بقصتها وعبالة اني
مصدگة لمن بابا يگلي ماتت
خاف علية من الصدمة
بس اداركت الموضوع
وگتلة ادري بيها عايشة
بس للاسف غدرتني دمعة ونزلت
باوعلي وگال بشقة
الياس : اذا اشوف دمعة ثانية اضربچ راشدي شهر ماتصحين منة
ترتيل : كل عقلها هاي؟
الياس : شتعرفين عن امج ترتيل
ترتيل : خاينة
استغرب جوابي السريع و دنگ راسة وگال
ابتعدي عنها تراها مو خوش
گتلة
زين سولفلي انت شتعرف عنها
الياس : اعتبريها ماتت وانتهى
لاتشغلين بالچ بناس بلا قيمة
ترتيل : خايفة تاخذني
الياس : نعم؟؟ منو الياخذچ؟؟
على گص رگبتي
هاي وحدة تافهة فخلي تولي
واذا هي مرة خلي تجي هنا واشوفچ شنو ممكن اسوي
كافي تبچين وگومي بدلي عازمچ
