ماكو داعي اعيد نفس الموال واخبصكم
التعليقات على كل فقرة حتى تطلع بالبحث
وارجع اكول اذا ماكو تعليقات ما انزل 🙂
ونزلت بسرعة لان تفاعلكم بذاك البارت حلو
الياس : ها
ترتيل : شو انت بكلشي تتصرف وحدك
وحدك تكول زوجتي
و وحدك تكول مو زوجتي
شنو هي لعبة كالساع حاطني بموقف
ليش گلت مو زوجتي؟
الياس : تريدين تصيرين زوجتي؟
ترتيل : شنو قصدك
الياس : قصدي انت مو زوجتي الفعلية
ما مجبرين نچذب على اي احد ونمثل
غصب ع الكل يمشي كلامي وغصب ع الكل يتقبلچ ويحترمچ مثل ما انتِ
ترتيل اني مو زعطوط حتى اضل امثل على فلان وعلان انو انتِ مرتي
ابسط شي الغرفة نبقى متقيدين هيچ برأيچ؟
اني ماتحكمت بيج ولاتصرفت من راسي بدون ما ارجعلج
بس اني الي كدامي اهلي واعرف شلون اتصرف وياهم لهذا السبب خليچ وراية
ماريدج تتقيدين او تكذبين او تكونين مامرتاحة
ترتيل الي صار اليوم ردت اثبت لامي
الي سوتة ميساء ماكو واحد يتقبلة
بس صبرت وتحملت وسكتت حتى اجي
واثبت لأمي انو اختيارها غلط
حتى تفك ياخة مني ومن هذا الموضوع
لا عبالچ عاجبتني استراليا
ولاعبالچ عاجبتني الغربة
اني اموت الف موتة على شوفت اهلي
صح وياهم من الصبح لليل بالاتصال
بس ابقى بعيد تدرين هاي المرة الاولى الي اطول عليهم هالكد
ترتيل : اعرف بسببي ما اجبت للعراق
زين ليش هيج تضغط على نفسك
