بارت هدية كلما تكثفون التعليقات على كل فقرة كلما انزل اسرع
قراءة ممتعة
ترتيل : قصي ينتظرني كال ب٨ نطلع خلي يبتعد عمي
ب٨ تحركنا للمطار
صاعدة بالسيارة وية قصي وكل جزء بية يرجف
اول مرة بحياتي اكون وحدي واول مرك اتجرء هيج
الخوف البية واضح
قصي : اهدي ترتيل مش هيك راح يصيرلك شي
ترتيل : اريد اجاوبة وصارت كدامنة سيارة الياس
فتح عيونة بندهاش والصدمة بوجهة مبينة
صحت قصي لتخلي يلزمني
شخط السيارة قصي
لحگنة الياس بالضبط صارت مثل المطاردات بالافلم الاكشن
دخل بأفرع وشوارع گدر قصي يفلت من الياس وداني للمطار
قصي : اركضي ترتيل ماتخافي هو ما بيعرف انك مسافرة
فكر انو انا وانتِ طالعين مع بعض
روحي
ترتيل : وانتَ اعتقد سببتلك مشكلة؟
قصي : كل اشي يهون ماتخافي محلولة وطمنينا عنك
ترتيل : شكراً قصي جاوبني مبتسم
قصي : ولوووو انا ابن الاردن مو سامعة عن النشامى ؟ يلا اهربي راح تتأخري موفقة
ترتيل : ركضت واني مابيدي غير جنطت الايد
الوقت احسة مايمشي بين ماصار النداء الاخير اني روحي طالعة واتلفت رجلي ترجف والاوردة والشرايين ايدي ناطة واطراف اصابعي خدرانة
مادري شنو الصار وياية بهاي الدقايق
لحدما صعدت وتحركت الطيارة يلا تنفست
